ఎంత హాయి ఈ రేయి...

గుండమ్మ కథ చిత్రం కోసం పింగళి గారు రచించిన ఒక మధురగీతాన్ని నేడు తలచుకుందాం ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : గుండమ్మ కథ (1962)

సంగీతం : ఘంటసాల

సాహిత్యం : పింగళి

గానం : ఘంటసాల, సుశీల

ఎంత హాయీ...

ఎంత హాయి ఈ రేయి ఎంత మధురమీ హాయి

ఆ ఆ ఆ ఆ..

ఎంత హాయి ఈ రేయి ఎంత మధురమీ హాయి

చందమామ చల్లగ మత్తుమందు చల్లగా

ఆ..చందమామ చల్లగ పన్నీటిజల్లు చల్లగా

ఎంత హాయీ..

ఎంత హాయి ఈ రేయి

ఎంత మధుర మీహాయీ.. ఎంత హా యీ

ఆ ఆ ఆ ఆ..

ఒకరి చూపులొకరిపైన విరితూపులు విసరగా

ఆ ఆ ఆ..

ఒకరి చూపులొకరిపైన విరితావులు వీచగా

విరితావుల పరవడిలో విరహమతిశయింపగా

ఆ..విరితావుల ఘుమఘుమలో మేను పరవశింపగా

ఎంత హాయీ..

ఎంత హాయి ఈ రేయి

ఎంత మధుర మీహాయీ.. ఎంత హా యీ

ఆ ఆ ఆ ఆ.......

కానరాని కోయిలలు మనల మేలుకొలుపగా

కానరాని కోయిలలు మనకు జోల పాడగా

మధురభావ లాహిరిలో మనము తూలిపోవగా

ఆ..మధురభావ లహరిలో మనము తేలిపోవగా

ఎంత హాయీ..

ఎంత హాయి ఈ రేయి

ఎంత మధుర మీహాయీ.. ఎంత హా యీ

ఎంత హాయీ..ఈ రేయి 

Posted in: ఘంటసాల,పి.సుశీల,పింగళి