అంకితం.. నీకే అంకితం...

స్వప్న చిత్రం కోసం సత్యం గారి స్వరసారధ్యంలో బాలు పాడిన ఒక మధుర గీతం ఈ రోజు తలచుకుందాం. ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : స్వప్న (1980)
సంగీతం : సత్యం
సాహిత్యం : సి.నారాయణరెడ్డి
గానం : బాలు

అంకితం.. నీకే అంకితం
అంకితం.. నీకే అంకితం
నూరేళ్ళ ఈ జీవితం
అంకితం.. నీకే అంకితం
ఓ ప్రియా...  ఆ... ఆ... ఓ ప్రియా... ఓ ప్రియా..
 

కాళిదాసు కలమందు చిందు అపురూప దివ్య కవిత
త్యాగరాయ కృతులందు వెలయు గీతార్ధసార నవత
నవ వసంత శోభనా మయూఖ..
లలిత లలిత రాగ చంద్రరేఖ..
స్వరము స్వరము కలయిక లో ఒక రాగం పుడుతుంది
మనసు మనసు కలయిక లో అనురాగం పుడుతుందీ...
స్వరము స్వరము కలయిక లో ఒక రాగం పుడుతుంది
మనసు మనసు కలయిక లో అనురాగం పుడుతుంది
ఆ అనురాగం ఒక ఆలయమైతే.. ఏ.. ఏ...
ఆ ఆలయ దేవత నీవైతే..ఏ ఏ...
ఆ ఆలయ దేవత నీవైతే..
గానం గాత్రం గీతం భావం.. సర్వం అంకితం

అంకితం.. నీకే అంకితం
 

లోక వినుత జయదేవ శ్లోక శృంగార రాగ ద్వీప
భరత శాస్త్ర రమణీయ నాద నవ హావ భావ రూప
స్వర విలాస హాస చతుర నయన..
సుమ వికాస భాస సుందర వదన..
నింగి నేల కలయికతో ఒక ప్రళయం అవుతుంది
ప్రేమ ప్రేమ కలయికతో ఒక ప్రణయం పుడుతుందీ...
నింగి నేల కలయికతో ఒక ప్రళయం అవుతుంది
ప్రేమ ప్రేమ కలయికతో ఒక ప్రణయం పుడుతుంది
ఆ ప్రణయం ఒక గోపురమైతే.. ఏ ఏ ..
ఆ గోపుర కలశం నీవైతే.. ఏ ఏ ..
ఆ గోపుర కలశం నీవైతే..
పుష్పం.. పత్రం.. ధూపం.. దీపం.. సర్వం అంకితం

అంకితం.. నీకే అంకితం
నూరేళ్ళ ఈ జీవితం
అంకితం... నీకే అంకితం
ఓ..ప్రియా.. ఆ.. ఆ..  ఓ.ప్రియా.. ఓ.. ప్రియా..

Posted in: 70's-90's పాటలు,దాసరి,బాలు,సత్యం