వేవేలా వర్ణాలా

కొన్నేళ్ళ క్రితం ఓసారి ఈ పాట వింటూ టైప్ చేసుకున్నపుడు నేను రాసుకున్న మాటలు "ఈ మధ్య కాలం లో ఇంత ఆస్వాదిస్తూ రాసుకున్న పాట లేదు... ఆ తన్మయత్వం లో సిరివెన్నెల గారిని ఏమని పొగడాలో కూడా తెలియడం లేదు..." నేటికీ ఈ పాట వింటున్నపుడు నాలో అవే ఫీలింగ్స్... ఈ సినిమాలోని ప్రతిపాట నాకు చాలా ఇష్టమైనా ఈ పాట మరింత ఎక్కువ ఇష్టం. సిరివెన్నెల, ఇళయరాజా, బాలు, గీతాకృష్ణలు కలిసి చేసిన మాజిక్ మీరూ చూసి విని ఆనందించండి. ఆడియోమాత్రం కావాలంటే ఇక్కడ వినవచ్చు.

చిత్రం : సంకీర్తన

సంగీతం : ఇళయరాజా

సాహిత్యం : సిరివెన్నెల

గానం : బాలూ, కౌసల్య(సీనియర్ లీడ్ కోరస్ సింగర్)

ఆ..ఆ..ఆ..అ..అ..ఆ..

ఆ..ఆ..ఆ..అ..అ..ఆ..

ఆ..ఆ..ఆ..అ..అ..ఆ..

వేవేలా వర్ణాలా...ఈ నేలా కావ్యాలా...

అలలూ శిలలూ తెలిపే కధలూ...

పలికే నాలో గీతాలై...

వేవేలా వర్ణాలా... ఈ నేలా కావ్యాలా...

ఓ గంగమ్మో పొద్దెక్కి పోతాంది తొరగా రాయే...

ఓ...తల్లీ గోదారి తుళ్ళి తుళ్ళి పారేటి

పల్లె పల్లె పచ్చాని పందిరీ...పల్లె పల్లె పచ్చాని పందిరీ...

నిండూ నూరేళ్ళు పండు ముత్తైదువల్లె వుండు

పంటా లచ్చిమి సందడీ...పంట పంటా లచ్చిమి సందడీ...

తందైన..తందతైన..తందైన..తందతైన..

తందైన..తందతయ్యనా.. తయ్య..తందైన..తందతయ్యనా..

వాన వేలి తోటీ నేల వీణ మీటే...

నీలి నింగి పాటే.. ఈ చేలటా...

కాళిదాసు లాటి.. తోట రాసుకున్న..

కమ్మనైన కవితలే ఈ పూలటా...

ప్రతి కదలికలో నాట్యమె కాదా..

ప్రతి ఋతువూ ఒక చిత్రమె కాదా..

ఎదకే కనులుంటే....

వే వేలా వర్ణాలా...ఈ నేలా కావ్యాలా...

అలలూ శిలలూ తెలిపే కధలూ...

పలికే నాలో గీతా లై...

వే వేలా వర్ణాలా...ఈ నేలా కావ్యాలా...

లాలలా...ఆ అ ఆ...

లాలలా...ఆ అ ఆ...

కాళిదాసు లాటి.. తోట రాసుకున్న.. కమ్మనైన కవితలే ఈ పూలటా..

కోరస్ పాడిన గాయణీమణి గురించి పాడుతాతీయగా లో బాలుగారు చెప్పారంటూ శ్రమతో లింక్ వెతికి ఇచ్చిన మిత్రులు నెమలికన్నుమురళి గారికి ప్రత్యేక ధన్యవాదాలు. 

Posted in: 70's-90's పాటలు,ఇళయరాజా,బాలు,సిరివెన్నెల