ఆదివారం, మార్చి 01, 2020

అమ్మా నొప్పులే...

మార్చి నెలంటే పరీక్షల నెల కదా.. అందుకే విద్యార్ధులందరకూ ఆల్ ద బెస్ట్ చెపుతూ ఈ నెలంతా చదువుకు సంబంధించిన పాటలు తలుచుకుందాం. ముందుగా పరీక్షలు తప్పించుకోవడానికి ఓ అల్లరి పిల్లవాడు వేసిన ఎత్తును వాళ్ళమ్మ ఎలా చిత్తు చిత్తు చేసిందో పెళ్ళిచేసి చూడు చిత్రంలోని ఈ చక్కని నృత్యరూపకం లో చూద్దామా. ఈ ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. ఆడియో మాత్రమే వినాలంటే యూట్యూబ్ లో ఇక్కడ వినవచ్చు.


చిత్రం : పెళ్ళిచేసిచూడు (1952)
సంగీతం : ఘంటసాల 
సాహిత్యం : పింగళి
గానం : కె.రాణి, ఉడుతా సరోజిని, ఏ.పి.కోమల

పరీక్షలు పరీక్షలు పరీక్షలు..
పాడు పరీక్షలు...
పాఠాల్రాకపోయినా
పరీక్షలొచ్చి కూర్చున్నాయ్
ఇపుడు పరీక్షకెట్లా ఎగ్గొట్టడం..
ఆఅ... కడుపులో నొప్పొచ్చిందని..
వంక పెట్టేస్తాను..


అమ్మా నొప్పులే..
అమ్మమ్మా నొప్పులే..
అమ్మా నొప్పులే..
అమ్మమ్మా నొప్పులే..
ఫస్టుక్లాసులో ప్యాసవుదామని
పట్టుబట్టి నే పాఠాల్ చదివితే
ఫస్టుక్లాసులో ప్యాసవుదామని
పట్టుబట్టి నే పాఠాల్ చదివితే
పరీక్షనాడే పట్టుకొన్నదే
బడికెట్లానే వెళ్ళేదే..

అమ్మా నొప్పులే..
అమ్మమ్మా నొప్పులే..

బాబూ లేవరా..
ఈ మందూ తాగరా..
పరీక్ష కోసం దిగులు పడకురా
వచ్చే ఏటికి ప్యాసవుదువులే
పరీక్ష కోసం దిగులు పడకురా
వచ్చే ఏటికి ప్యాసవుదువులే
నువు బాగుంటే మాకు చాలురా
నిక్షేపంగా ఇంట నుండరా...
బాబూ లేవరా..
ఈ మందూ తాగరా..


చిల్లూ గారెలా..
అయ్యయ్యో బూరెలా..
పరిక్షలిచ్చే పాపకోసమని
కమ్మ కమ్మగా నేను చేస్తినే
అయ్య నోట శని పట్టెను ఏమో
మాయల మారి నొప్పులొచ్చెనే
అయ్యో గారెలా..
అయ్యయ్యో బూరెలా..


అమ్మా ఒక్కటే
అమ్మమ్మా ఒక్కటే
అమ్మా ఒక్కటే
అమ్మమ్మా ఒక్కటే
బుద్ది వచ్చెనా నీకు బుద్ధి వచ్చెనా
బుద్ది వచ్చెనే అమ్మ బుద్ది వచ్చెనే
లెంపలేసుకో ఐతె లెంపలేసుకో
వేసుకొంటినే అమ్మ ఒక్కటివ్వవే
బుద్ది వచ్చెనా
బుద్ది వచ్చెనే అమ్మ బడికి పోదునే
బాగ చదువుకుందునే.. 



3 comments:

మేలు మాటు అమ్మను గురించి...

పిల్లలకి అర్ధమయ్యే మాటలలో చాలా సరదా అయిన పాట..

అవునండీ.. థ్యాంక్స్ ఫర్ ద కామెంట్ శాంతి గారూ..

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.