మంగళవారం, మార్చి 31, 2020

తిరు తిరు గణనాథ...

హండ్రెడ్ పర్సెంట్ లవ్ చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : 100% లవ్ (2011)
సంగీతం : దేవిశ్రీ ప్రసాద్
సాహిత్యం : రామజోగయ్య శాస్త్రి
గానం : హరిణి

తిరు తిరు గణనాథ దిద్దిద్దిత్తై (2)
ఆశీర్వదించు ఆ చదువులమ్మ తోడై
తిరు తిరు గణనాథ దిద్దిద్దిత్తై
నీ వెలుగు పంచు మా తెలివిలోన కొలువై
తిరు తిరు గణనాథ దిద్దిద్దిత్తై (2)
సా సనిసగసా సగమా మా
మగమపమా మపనీ పా పమపనిసా సానీ
సాగస నీసని పానిప మాపమ గామగసా
॥సనిసగసా॥

చెవులారా వింటూనే ఎంత పాఠమైనా
ఈజీగా తలకెక్కే ఐక్యూనివ్వు
కనులారా చదివింది ఒకసారే ఐనా
కల్లోను మరిచిపోని మెమరీనివ్వు
చదివిన ప్రశ్నలనే పరీక్షలో రానివ్వు
చదవనిదేదైనా ఛాయిస్‌లో పోనివ్వు
ఒక్కొక్క దణ్ణానికి ఒక్కో మార్కు పణ్ణివ్వు
ఏ టెన్షన్ దరికిరాని ఏకాగ్రత నాకివ్వు
ఆన్సర్ షీటుపైన ఆగిపోని పెన్నివ్వు

తిరు తిరు గణనాథ దిద్దిద్దిత్తై
ఆశీర్వదించు ఆ చదువులమ్మ తోడై
తిరు తిరు గణనాథ దిద్దిద్దిత్తై

తలస్నానం చెయ్యకుండా పూజించానంటూ
నావైపు కోపంగా చూస్తే ఒట్టు
షాంపూతో పాటే చదివింది తుర్రుమంటూ
వాషైపోతుందని నా సెంటిమెంటు
తలలే మార్చిన తండ్రిగారి కొడుకు మీరు
మీరు తలుచుకుంటే
మా తలరాతలు తారుమారు
భారతం రాసిన చేతితో
బతుకును దిద్దెయ్ బంగారూ
పేపర్లో ఫోటోలు ర్యాంకులెవ్వరడిగారు
పాసు మార్కులిచ్చి నిలబెట్టుకో నీ పేరు

తిరు తిరు గణనాథ దిద్దిద్దిత్తై
ఆశీర్వదించు ఆ చదువులమ్మ తోడై
తిరు తిరు గణనాథ దిద్దిద్దిత్తై
తిరు తిరు గణనాథ దిద్దిద్దిత్తై 


0 comments:

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.