సిరిమల్లె నీవే...

పంతులమ్మ చిత్రంలోని ఒక అందమైన పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : పంతులమ్మ(1977)

గానం : ఎస్.పి.బాలసుబ్రహ్మణ్యం

సంగీతం : రాజన్-నాగేంద్ర

సాహిత్యం : వేటూరి

సిరిమల్లె నీవే విరిజల్లు కావే

వరదల్లె రావే వలపంటె నీవే

ఎన్నెల్లు తేవే ఎదమీటి పోవే

సిరిమల్లె నీవే విరిజల్లు కావే

ఎలదేటి పాటా చెలరేగె నాలో

చెలరేగిపోవే మధుమాసమల్లె

ఎలమావి తోటా పలికింది నాలో

పలికించుకోవే మది కోయిలల్లే

నీ పలుకు నాదే నా బ్రతుకు నీదే

తొలిపూత నవ్వే.. వనదేవతల్లే

పున్నాగపూలే.. సన్నాయి పాడే

 

ఎన్నెల్లు తేవే.. ఎదమీటి పోవే

సిరిమల్లె నీవే విరిజల్లు కావే

 

మరుమల్లె తోటా మారాకు వేసే

మారాకువేసే నీ రాకతోనే

నీపలుకు పాటై బ్రతుకైనవేళా

బ్రతికించుకోవే నీ పదముగానే

నా పదము నీవే నా బ్రతుకు నీవే

అనురాగమల్లే.. సుమగీతమల్లే

నన్నల్లుకోవే.. నాఇల్లు నీవే

ఎన్నెల్లు తేవే.. ఎదమీటి పోవే

సిరిమల్లె నీవే విరిజల్లు కావే

అహాహాహ ఆహా.. లలలాల లాలా..

 

Posted in: బాలు,రాజన్-నాగేంద్ర,వేటూరి