లాయి లాయి...

ఎటో వెళ్ళిపోయింది మనసు చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : ఎటో వెళ్లిపోయింది మనసు (2012)
సంగీతం : ఇళయరాజా
సాహిత్యం : అనంత శ్రీరామ్
గానం : ఇళయరాజా, బేలా శేండే

లాయి లాయి లా ఇలా ఈ హాయి నీదే సుమా
మాయలేవి మోయలేని ప్రాయమమ్మా
లాయి లాయి లా ఇలా ఈ తీపి నీవే సుమా
గాలి రంగులోన ఉన్న హృదయమమ్మా

లేత లేత చేతిలో చేతులేసి చేరుకో
ఊసులెన్నొ పంచుకున్న వేళలో
మనదే సరదా సరదా

లాయి లాయి లా ఇలా ఈ హాయి నీదే సుమా
మాయలేమి మోయలేని ప్రాయమమ్మా
లాయి లాయి లా ఇలా ఈ తీపి నీవే సుమా
గాలి రంగులోన ఉన్న హృదయమమ్మా

ఇంతలో ఇలా ఎదిగిన ఆ తలపులో
ఎవరికై ఈ పిలుపులో
వింత వింతగా తిరిగిన ఈ మలుపులో
తన జతే నువు కలుపుకో

ఇదంత చెప్పలేని ఈ భావనే పేరు ఉందో హో..
తెలియదు దానికైన ఈ వేళా
జవాబు చెప్పలేని ఈ ప్రశ్నలింకెన్ని ఎన్నో హో..
అవన్ని బయట పడవు ఇవ్వాళా
లోపలున్న అల్లరి ఓపలేని ఊపిరి
స్పర్శ లాగ పైకి వచ్చి లేనిపోనివేవో రేపిందా

లాయి లాయి లా ఇలా ఈ హాయి నీదే సుమా
మాయలేవి మోయలేని ప్రాయమమ్మా
లాయి లాయి లా ఇలా ఈ తీపి నీవే సుమా
గాలి రంగులోన ఉన్న హృదయమమ్మా

మాటిమాటికీ మొదలయే ఈ అలికిడి
మరుక్షణం ఓ అలజడి
ఆకతాయిగా తడిమితే ఈ తడబడి
తరగదే ఈ సందడి

చలాకి కంటి పూల తావేదొ తాకిందిలాగా హా
గులాబి లాంటి గుండె పూసేలా

ఇలాంటి గారడీల జోరింక చాలించదేలా హో
ఎలాగ ఏమనాలి ఈ లీలా
లోపలున్న అల్లరి ఓపలేని ఊపిరి
స్పర్శ లాగ పైకి వచ్చి లేని పోనివేవో రేపిందా

లాయి లాయి లా ఇలా ఈ హాయి నీదే సుమా
మాయలేవి మోయలేని ప్రాయమమ్మా
లాయి లాయి లా ఇలా ఈ తీపి నీవే సుమా
గాలి రంగులోన ఉన్న హృదయమమ్మా
లేత లేత చేతిలో చేతులేసి చేరుకో
ఊసులెన్నొ పంచుకున్న వేళలో
మనదే సరదా సరదా

లాయి లాయి లా ఇలా ఈ హాయి నీదే సుమా
మాయలేవి మోయలేని ప్రాయమమ్మా
లాయి లాయి లా ఇలా ఈ తీపి నీవే సుమా
గాలి రంగులోన ఉన్న హృదయమమ్మా 

Posted in: అనంత శ్రీరాం,ఇళయరాజా,బేలా శేండే