గాలికదుపు లేదు...

ఇది కథ కాదు చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడ్ చేసిన వీడియో ఇక్కడ చూడవచ్చు.

చిత్రం : ఇది కథ కాదు (1979)

సంగీతం : ఎం.ఎస్. విశ్వనాథన్

రచన : ఆచార్య ఆత్రేయ

గానం : జానకి

ఆ.. ఆ.. ఆ.. ఆ.. ఆ.. ఆ.. 

గాలికదుపు లేదు.. కడలికంతు లేదు

గంగ వెల్లువా కమండలంలో ఇమిడేదేనా

ఉరికే మనసుకు గిరి గీస్తే అది ఆగేదేనా

గాలికదుపు లేదు.. కడలికంతు లేదు

గంగ వెల్లువా కమండలంలో ఇమిడేదేనా

ఉరికే మనసుకు గిరి గీస్తే అది ఆగేదేనా

సారీసా సరిసరిసరిగ రీసాగ

సారీసా సరిసరిసరిగ రీసాగ

సారీసా సరిసరిసరిగ రీసాగ

సారీసా సరిసరిసరిగ రీసాగ

ఆ నింగిలో మబ్బునై పాడనా పాటలు ఎన్నో

ఈ నేలపై నెమలినై ఆడనా ఆటలు ఎన్నో

ఆ నింగిలో మబ్బునై పాడనా పాటలు ఎన్నో

ఈ నేలపై నెమలినై ఆడనా ఆటలు ఎన్నో

తుళ్ళి తుళ్ళి గంతులు వేసే లేగకేది కట్టుబాటు

మళ్ళీ మళ్ళీ వసంతమొస్తే మల్లెకేల ఆకుచాటు

గాలికదుపు లేదు.. కడలికంతు లేదు

గంగ వెల్లువా కమండలంలో ఇమిడేదేనా

ఉరికే మనసుకు గిరి గీస్తే అది ఆగేదేనా

ఓ తెమ్మెరా ఊపవే ఊహలా ఊయల నన్నూ

ఓ మల్లికా ఇవ్వవే నవ్వులా మాలిక నాకూ

తల్లి మళ్ళి తరుణయ్యింది.. పూవు పూసి మొగ్గయ్యింది

గుడిని విడిచివేరొక గుడిలో ప్రమిదనైతే తప్పేముందీ

గాలికదుపు లేదు.. కడలికంతు లేదు

గంగ వెల్లువా కమండలంలో ఇమిడేదేనా

ఉరికే మనసుకు గిరి గీస్తే అది ఆగేదేనా

ఆ.. ఆ.. ఆ.. ఆ.. ఆ.. ఆ.. 

Posted in: ఆత్రేయ,ఎమ్మెస్ విశ్వనాధం,జానకి