హృదయమనే కోవెల తలుపులు...

పెళ్ళిసందడి చిత్రంలోని ఒక చక్కని పాట ఈ రోజు తలచుకుందాం. ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో లోడ్ అవని వాళ్ళు ఇక్కడ చూడవచ్చు.

చిత్రం : పెళ్ళిసందడి (1997)

సంగీతం : కీరవాణి

సాహిత్యం : సిరివెన్నెల

గానం : బాలు, చిత్ర

ఆఆఅ హృదయమనే కోవెల

తలుపులు తెరిచే తాళం

ప్రేమ ప్రేమ ప్రేమ ప్రేమ

ఆ ఆ ఆ త్యాగమనే దేవత

సన్నిధి వెలిగే దీపం

ప్రేమ ప్రేమ ప్రేమ ప్రేమ

అణువణువును చెలిమికి

అంకితమిచ్చును ప్రేమ

తను నిలువున కరుగుతు

కాంతి పంచునది ప్రేమ

గగనానికి నేలకు వంతెన

వేసిన వానవిల్లు ఈ ప్రేమ

ప్రేమ ప్రేమ ప్రేమ ప్రేమ

 

ఆఆఆ హృదయమనే కోవెలు

తలుపులు తెరిచే తాళం

ప్రేమ ప్రేమ ప్రేమ ప్రేమ

ఇవ్వటమే నేర్పగల ఈ ప్రేమ

తనకొరకు ఏ సిరిని అడగదు కదా

నవ్వటమే చూపగల ఈ ప్రేమ

మంటలనె వెన్నెలగ మార్చును కదా

గాలికి గంధము పూయటమే

పూలకు తెలిసిన ప్రేమసుధ

రాలిన పువ్వుల జ్ఞాపకమే

కాలం చదివే ప్రేమకథ

ప్రియమైన తనవారి సుఖశాంతులే కోరి

మురిసేటి గుణమే ప్రేమ

ప్రేమ ప్రేమ ప్రేమ ప్రేమ

ఆ ఆ ఆ హృదయమనే కోవెల

తలుపులు తెరిచే తాళం

ప్రేమ ప్రేమ ప్రేమ ప్రేమ

ఏ జతనో ఎందుకో విడదీసి

వెంటాడి వేటాడు ఆటే ప్రేమ

మౌనముతో మనసునే శృతి చేసి

రాగాలు పలికించు పాటే ప్రేమ

శాశ్వత చరితల ఈ ప్రేమ

మృత్యువు ఎరుగని చిరునామా

శ్వాసను మంగళహారతిగా

వెలిగించేదే ఈ ప్రేమ

మరణాన్ని ఎదిరించి

మరణాన్ని ఎదిరించి మరుజన్మగా వచ్చి

మరణాన్ని ఎదిరించి మరుజన్మగా వచ్చి

కరుణించు వరమే ప్రేమ

ప్రేమ ప్రేమ ప్రేమ ప్రేమ

ఆ ఆ ఆ హృదయమనే కోవెల

తలుపులు తెరిచే తాళం

ప్రేమ ప్రేమ ప్రేమ ప్రేమ

ఆ ఆ ఆ త్యాగమనే దేవత

సన్నిధి వెలిగే దీపం

ప్రేమ ప్రేమ ప్రేమ ప్రేమ

Posted in: కీరవాణి,చిత్ర,బాలు,సిరివెన్నెల