పున్నమి లాగా వచ్చి పొమ్మని...

పన్నెండేళ్ళకొక్క మారే వచ్చినా ఆ పుష్కరంకోసం గోదారమ్మ, ఆమెతో పాటు ఆమె ఒడిన సేద తీరుతున్న ప్రజలు ఎంతగా ఎదురు చూస్తారో తెలియనిది కాదు కదా. అలాగే ఈ కుర్రాడు తెలుగుదనానికి దూరమై పాశ్చాత్య పోకడలు పోతున్న తన నెచ్చెలి తిరిగి పదారణాల తెలుగమ్మాయిలా తనదరికి రావాలని ఎంత ఆశగా ఎదురు చూస్తున్నాడో వేటూరి వారి తేటతెనుగు మాటల్లో మీరే వినండి.. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : జడగంటలు (1984)

సంగీతం : పుహళేంది

సాహిత్యం : వేటూరి

గానం : బాలు, సుశీల

ఆఆఆఆఆ..ఆఅహాహాఅ...లలలలలలాలాలా

పున్నమి లాగా వచ్చి పొమ్మని జాబిల్లడిగింది

పుష్కరమల్లే వచ్చి పొమ్మని గోదారడిగింది

పున్నమి లాగా వచ్చి పొమ్మని జాబిల్లడిగింది

పుష్కరమల్లే వచ్చి పొమ్మని గోదారడిగింది

నువ్వు రావాలా పువ్వు పూయాలా రావేలా

జడ గంటమ్మా రతనాలమ్మా జానకమ్మా

పున్నమి లాగా వచ్చి పొమ్మని జాబిల్లడిగింది

పుష్కరమల్లే వచ్చి పొమ్మని గోదారడిగింది

లలలలలలాలాలా లాలాలా....

పాపికొండలా పండువెన్నెలా పక పక నవ్వాలా

వెండి గిన్నెలో పాలబువ్వలా రెల్లే నవ్వాలా

పాపికొండలా పండువెన్నెలా పక పక నవ్వాలా

వెండి గిన్నెలో పాలబువ్వలా రెల్లే నవ్వాలా

నీ మువ్వలు కవ్విస్తుంటే ఆ సవ్వడి సై అంటుంటే

నీ మువ్వలు కవ్విస్తుంటే ఆ సవ్వడి సై అంటుంటే

సెలయేరమ్మా గోదారమ్మా చేతులు కలపాలా

చేతులు విడిచిన చెలిమిని తలచి 

కుంగిపోవాలా నే కుంగిపోవాలా

పున్నమి లాగా వచ్చి పొమ్మని జాబిల్లడిగింది

పుష్కరమల్లే వచ్చి పొమ్మని గోదారడిగింది

లలలలలలాలాలా...లలలాలాలా...

పల్లెపట్టునా పాలపిట్టలే శకునం పలకాలా

గోవు పొదుగునా పాలవెల్లులే పొంగులు వారాలా

పల్లెపట్టునా పాలపిట్టలే శకునం పలకాలా

గోవు పొదుగునా పాలవెల్లులే పొంగులు వారాలా

జడగంటలు మనసిస్తుంటే గుడిగంటలు మంత్రిస్తుంటే

జడగంటలు మనసిస్తుంటే గుడిగంటలు మంత్రిస్తుంటే

నింగీ నేలా కొంగులు రెండూ ముడివడిపోవాలా

ముడివిడిపోయిన ముద్దుని తలచి 

కుంగిపోవాలా నే కుంగిపోవాలా

పున్నమి లాగా వచ్చి పొమ్మని జాబిల్లడిగింది

పుష్కరమల్లే వచ్చి పొమ్మని గోదారడిగింది

నువ్వు రావాలా పువ్వు పూయాలా రావేలా

జడ గంటమ్మా రతనాలమ్మా జానకమ్మా

ఆఆఆఅ..ఆఆఅ...ఆఆఆ

పున్నమి లాగా వచ్చి పొమ్మని జాబిల్లడిగింది

పుష్కరమల్లే వచ్చి పొమ్మని గోదారడిగింది

Posted in: గోదావరి,పి.సుశీల,పుహళేంది,బాలు,మీ పాట,వేటూరి