ఆదివారం, ఫిబ్రవరి 28, 2021

రంగులద్దుకున్నా...

ఉప్పెన చిత్రం లోని ఓ చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. 


చిత్రం : ఉప్పెన (2021)
సంగీతం : దేవీశ్రీప్రసాద్  
సాహిత్యం : శ్రీమణి 
గానం : యాజిన్ నిజార్, హరిప్రియ

జించక్ జించక్ చా
జించక్ జించక్ చా
జించక్ జించక్ చా
జించక్ జించక్ చా
జించక్ జించక్ చా
జించక్ జించక్ చా

రంగులద్దుకున్నా
తెల్ల రంగులౌదాం
పూలు కప్పుకున్నా
కొమ్మలల్లే ఉందాం
ఆకు చాటునున్న…
పచ్చి పిందెలౌదాం
మట్టి లోపలున్నా…
జంట వేరులౌదాం
ఎవ్వరీ కంటిచూపు చేరలేని 
ఎక్కడా మన జంట ఊసురాని
చోటున పద నువ్వు నేనుందాం

రంగులద్దుకున్నా 
తెల్ల రంగులౌదాం
పూలు కప్పుకున్నా 
కొమ్మలల్లే ఉందాం

తేనె పట్టులోన
తీపి గుట్టు ఉందిలే
మన జట్టులోన 
ప్రేమ గుట్టుగుందిలే
వలలు తప్పించుకెళ్ళు
మీనాల వైనాల కొంటె 
కోణాలు తెలుసుకుందాం
లోకాల చూపుల్ని 
ఎట్టా తప్పించుకెళ్ళాలో 
కొత్త పాఠాలు నేర్చుకుందాం
అందరూ ఉన్న చోట ఇద్దరౌదాం
ఎవ్వరూ లేని చోట ఒక్కరౌదాం
ఏ క్షణం విడివిడిగా లేమందాం

రంగులద్దుకున్నా
తెల్ల రంగులౌదాం
పూలు కప్పుకున్నా
కొమ్మలల్లే ఉందాం

మన ఊసు మోసే
గాలిని మూట కడదాం
మన జాడ తెలిపే 
నేలను పాతి పెడదాం
చూస్తున్న సూర్యుని తెచ్చి 
లాంతర్లో దీపాన్ని చేసి 
చూరుకేలాడదీద్దాం
సాక్ష్యంగా సంద్రాలు ఉంటె 
దిగుడు బావిలో దాచి మూత పెడదాం
నేనిలా నీతో ఉండడం కోసం 
చేయనీ ఈ చిన్నపాటి మోసం
నేరమేం కాదే ఇది మన కోసం

రాయిలోన శిల్పం 
దాగి ఉండునంటా
శిల్పి ఎదురైతే 
బయటపడునంటా
అద్ధమెక్కడున్నా 
ఆవైపు వెళ్ళకంటా
నీలో ఉన్న నేనే 
బయటపడిపోతా
పాలలో ఉన్న నీటిబొట్టులాగా
నీళ్లలో దాగి ఉన్న మెట్టులాగా
నేనిలా నీ లోపల దాక్కుంటా

హైలెస్సా హైలెస్సా హాయ్
హైలెస్సా హైలెస్సా హాయ్
హైలెస్సా హైలెస్సా హాయ్
హైలెస్సా హైలెస్సా హాయ్
 

0 comments:

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.