వెండిమబ్బు తేరు మీద... ~ పాటతో నేను

శనివారం, సెప్టెంబర్ 21, 2019

వెండిమబ్బు తేరు మీద...

శనివారం, సెప్టెంబర్ 21, 2019 వేణూశ్రీకాంత్ 4 వ్యాఖ్యలు

డ్యుయెట్ చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : డ్యుయెట్ (1994)
సంగీతం : ఏ.ఆర్.రెహ్మాన్
సాహిత్యం : వెన్నెలకంటి
గానం : బాలు

వెండిమబ్బు తేరు మీద
ప్రేమ దేవత చేరవచ్చిందే
గుండెలోని మూగ ప్రేమ
చూసి నన్నే కోరి వచ్చిందే
నిదురించే ఎదలోన రాగం ఉందీ
నా కలనైనా కనరాని అనుబంధం ఉంది

వెండిమబ్బు తేరు మీద
ప్రేమ దేవత చేరవచ్చిందే

నను నిందించే తమ్ముని
నా మూగ బాధే చూడనీ
నే వేడుతున్నా వీడిపోని బంధమేదనీ
నను నిందించే తమ్ముని
నా మూగ బాధే చూడనీ
నే వేడుతున్నా వీడిపోని బంధమేదనీ

నిదురించే ఎదలోన రాగం ఉందీ
నా కలనైనా కనరాని అనుబంధం ఉంది

వెండిమబ్బు తేరు మీద
ప్రేమ దేవత చేరవచ్చిందే

ఆశలతో ఊసులతో నీకోసం వేచా
నా గుండెలలో కోవెలలో
నిను దేవిని చేశా
కత్తి వంటి కళ్ళతోటి
గాయం చేసి మాయం చేసిందే

నను నిందించే తమ్ముని
నా మూగ బాధే చూడనీ
నే వేడుతున్నా వీడిపోని బంధమేదనీ

తన చెవికైనా చేరేనా ఈ మూగ పిలుపే
ఇక కలనైనా తీరేనా నా పేద వలపే
ఎదురు చూసే ప్రేమ గాధ
మొదలు కాక ముగిసిపోయేనా

నను నిందించే తమ్ముని
నా మూగ బాధే చూడనీ
నే వేడుతున్నా వీడిపోని బంధమేదనీ