మనసు గతి ఇంతే...

ప్రేమనగర్ సినిమాలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : ప్రేమనగర్ (1971)
సంగీతం : కె.వి. మహదేవన్
సాహిత్యం : ఆచార్య ఆత్రేయ
గానం : ఘంటసాల

తాగితే మరచిపోగలను
తాగనివ్వదు
మర్చిపోతే తాగగలను
మరువనివ్వదు

మనసు గతి ఇంతే
మనిషి బ్రతుకింతే
మనసున్న మనిషికీ
సుఖము లేదంతే

మనసు గతి ఇంతే
మనిషి బ్రతుకింతే
మనసున్న మనిషికీ
సుఖము లేదంతే
మనసు గతి ఇంతే

ఒకరికిస్తే మరలి రాదూ
ఓడిపోతే మరిచిపోదూ
ఒకరికిస్తే మరలి రాదూ
ఓడిపోతే మరిచిపోదూ
గాయమైతే మాసిపోదూ
పగిలిపోతే అతుకుపడదూ

మనసు గతి ఇంతే
మనిషి బ్రతుకింతే
మనసు గతి ఇంతే

అంతా మట్టేనని తెలుసూ
అదీ ఒక మాయేనని తెలుసూ
అంతా మట్టేనని తెలుసూ
అదీ ఒక మాయేనని తెలుసూ
తెలిసీ వలచీ విలపించుటలో
తీయదనం ఎవరికి తెలుసూ

మనసు గతి ఇంతే
మనిషి బ్రతుకింతే
మనసు గతి ఇంతే

మరుజన్మ ఉన్నదో లేదో
ఈ మమతలప్పుడేమౌతాయో
మరుజన్మ ఉన్నదో లేదో
ఈ మమతలప్పుడేమౌతాయో
మనిషికి మనసే తీరని శిక్షా
దేవుడిలా తీర్చుకున్నాడు కక్షా

మనసు గతి ఇంతే
మనిషి బ్రతుకింతే
మనసున్న మనిషికీ
సుఖము లేదంతే
మనసు గతి ఇంతే  

 

Posted in: ఆత్రేయ,కె.వి.మహదేవన్,ఘంటసాల