భారతవీరా ఓ భారతవీరా...

భారత యువతకు చక్కని సందేశమిచ్చే ఈ నృత్యరూపకం భలే రాముడు చిత్రంలోనిది. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : భలేరాముడు (1956)
సంగీతం : ఎస్.రాజేశ్వరరావు  
సాహిత్యం : సదాశివ బ్రహ్మం  
గానం : పి.లీల, బృందం

భారతవీరా ఓ భారతవీరా
భారతవీరా ఓ భారతవీరా
లేరా మేల్కొనవేరా సోదరా భారతదేశం నీదేరా
భారతదేశం నీదేరా ఈ భారతదేశం నీదేరా

ఓ భారతవీరా
ఓ భారతవీరా ఓ భారతవీరా

స్వతంత్ర భానుడు ఉదయించె స్వతంత్ర వాయువు ప్రసరించె
స్వతంత్ర భానుడు ఉదయించె స్వతంత్ర వాయువు ప్రసరించె
ప్రపంచమంతా అఱ్ఱులెత్తి నిను పరికిస్తోందీ ఆశ్చర్యముగా
ప్రపంచమంతా అఱ్ఱులెత్తి నిను పరికిస్తోందీ ఆశ్చర్యముగా

ఓ భారతవీరా
ఓ భారతవీరా ఓ భారతవీరా
 
నడుము కట్టి మున్ముందుకు నడిచి నడిపించాలి దేశాన్ని
నడిపించాలీ దేశాన్నీ నడిపించాలీదేశాన్ని
వడివడిగా సిరి వర్ధిలజేసి సడలించాలి దరిద్రాన్ని  

 సడలించాలి దరిద్రాన్ని సడలించాలి దరిద్రాన్ని
గంగ యమున గోదావరికృష్ణా మహానదులు మరలించాలి 
మహానదులు మరలించాలి మహానదులు మరలించాలి
పొంగి సస్యశ్యామలమై భువి బంగారమె పండించాలి 

భువి బంగారమే పండించాలి భువి బంగారమే పండించాలి

ఓ భారతవీరా
ఓ భారతవీరా ఓ భారతవీరా

యంత్రాగారపు పొగగొట్టాలు అంతరిక్షమున కందాలి
యంత్రాగారపు పొగగొట్టాలు అంతరిక్షమున కందాలి
అంతులేని వృత్తి వుద్యోగాలందరికీ కల్పించాలి
అంతులేని వృత్తి వుద్యోగాలందరికీ కల్పించాలి
శాంతి సత్యముల శరణ్యములని యీ జగమంతా చాటాలి
యీ జగమంతా చాటించాలి యీ జగమంతా చాటించాలి
భారతమాతా ప్రపంచమునకే తలమానికమనిపించాలి
భారతమాతా ప్రపంచమునకే తలమానికమనిపించాలి
భారతమాతా ప్రపంచమునకే తలమానికమనిపించాలి

భారతవీరా ఓ భారతవీరా ఓ భారతవీరా 

 

Posted in: లీల,సదాశివబ్రహ్మం,సాలూరి