సోమవారం, జూన్ 11, 2018

సోమా మంగళ బుధ...

దేవుడిచ్చే పిల్లలని కాదనడానికి మనమెవరం అంటూ గంపెడు పిల్లల సంసార సాగరాలను అతి కష్టంమీద ఈదే ఆనాటి ప్రజలకు కుటుంబ నియంత్రణ ఆవశ్యకత తెలియజెప్పిన ఓ సరదా ఐన నృత్యరూపకాన్ని ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : తాతామనవడు (1973)
సంగీతం : రమేష్ నాయుడు
సాహిత్యం : సుంకర
గానం : బాలు, ఎల్.ఆర్.ఈశ్వరి  

సోమ, మంగళ, బుధ, గురు శుక్ర శని ఆది 
సోమా మంగళ బుధ గురు శుక్రా శని ఆది
వీడికి పేరేదీ పుట్టే వాడికి చోటేదీ..
వీడికి పేరేదీ పుట్టే వాడికి చోటేదీ..

సోమా మంగళ బుధ గురు శుక్రా శని ఆది
వీడికి పేరేదీ పుట్టే వాడికి చోటేదీ..
వీడికి పేరేదీ పుట్టే వాడికి చోటేదీ..

పెంచేదెట్లా గంపెడు మంద
పెట్టలేక మన పని గోవిందా
పెట్టలేక మన పని గోవిందా
కలిగిన చాలును ఒకరూ ఇద్దరూ
కాకుంటే ఇంకొక్కరు
కాకుంటె ఇంకొక్కరు

సోమా మంగళ బుధ గురు శుక్రా శని ఆది
వీడికి పేరేదీ పుట్టే వాడికి చోటేదీ..
వీడికి పేరేదీ పుట్టే వాడికి చోటేదీ..

కాదు.. కాదు, ఒకరూ, ఇద్దరూ, ముగ్గురు
కనవలసిందే ఎందరైనా
బుద్దుడో, జవహరో గాంధీజీ
కాకూడదా ఇందెవరైనా


ఔతారౌతారౌతారు బొచ్చెలిచ్చి
బజారుకు తరిమితె
ఔతారౌతారౌతారు
బిచ్చగాళ్ళ సంఘానికి
నాయకులౌతారౌతారౌతారు
తిండికి గుడ్డకు కరువై
కడుపుమండి విషం తిని ఛస్తారు

సోమా మంగళ బుధ గురు శుక్రా శని ఆది
వీడికి పేరేదీ పుట్టే వాడికి చోటేదీ..
వీడికి పేరేదీ పుట్టే వాడికి చోటేదీ..

ఎగిరే పక్షికి ఎవడాధారం
పెరిగే మొక్కకు ఎవడిచ్చును సారం
ఎగిరే పక్షికి ఎవడాధారం
పెరిగే మొక్కకు ఎవడిచ్చును సారం
దారిచూపునందరికి వాడే
దారిచూపునందరికి వాడే
నారుపోసిన వాడు నీరివ్వక పోడు


ఎవరికి వారే ఇట్లనుకుంటె
ఏమైపోవును మనదేశం
ఎప్పుడు తీరును దారిద్ర్యం
ఇంకెప్పుడు కల్గును సౌభాగ్యం
కనాలందుకే మిత సంతానం
కావాలిది అందరికి ఆదర్శం

అయ్యా అయ్యా ఎందుకు గొయ్య
నాకొక పీడర మీ తాతయ్య
చావగొట్టి పాతెయ్యడానికే ఈ గొయ్య


బాబూ బాబూ నీకెందుకురా ఆ గొయ్య
నీ అయ్యకు చేసే ఈ మర్యాద
రేపు నీకు చెయ్యాలి కదయ్యా
తాతకు వారసుడు మనవడేగా
ఎప్పటికైనా తాతా మనవడు
ఒకటేగా.. ఒకటేగా


పెద్దలనే సరిదిద్దేవాళ్ళు
ఇలాంటి ఒకరిద్దరు చాలు
కనిపెంచిన వాళ్ళు తరిస్తారు
దేశానికే పేరు తెస్తారు
వారే పేరు తెస్తారు

సోమా మంగళ బుధ గురు శుక్రా శని ఆది
వీడికి పేరేదీ పుట్టే వాడికి చోటేదీ..
సోమా మంగళ బుధ గురు శుక్రా శని ఆది
వీడికి పేరేదీ పుట్టే వాడికి చోటేదీ..
వీడికి పేరేదీ పుట్టే వాడికి చోటేదీ.. 


2 comments:

సరదా సరదా పాట..

అవును శాంతి గారూ.. సరదాతోనే మెసేజ్ ని అందించే పాట.. థాంక్స్ ఫర్ ద కామెంట్..

కామెంట్‌ను పోస్ట్ చేయండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.