సెలయేటి జాలులాగా...

శాంతి నివాసం చిత్రంలోని ఒక చక్కని నృత్యరూపకాన్ని నేడు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : శాంతి నివాసం (1960)
సంగీతం : ఘంటసాల
సాహిత్యం : సముద్రాల జూనియర్    
గానం : పి.లీల

సెలయేటి జాలులాగా చిందేసే లేడిలాగా
సరదాగా గాలిలోన తేలిపోదామా
మనమూ సోలిపోదామా

నిన్ను జూసి నింగిలోన మబ్బునౌతానే
నేను మబ్బునౌతానే
నిన్ను జూచి నాట్యమాడే నెమలినౌతానే
నేను నెమలినౌతానే
సనసన్నా జల్లై అలా నీపై రాలనా
సనసన్నా జల్లై అలా నీపై రాలనా
చినుకుల్లో సంబరాన నేనాడనా

సెలయేటి జాలులాగా చిందేసే లేడిలాగా
సరదాగా గాలిలోన తేలిపోదామా
మనమూ సోలిపోదామా

ఆమని దాసినీ
తొలి ఆమని దాసినీ
మనమున వనమున
మధురిమ విరియ
ఆమని దాసినీ

తొలి ఆమనీ దాసినీ

కలికీ వాలుకనుల
కులికే వయసు కలలా
కలికీ వాలుకనుల
కులికే వయసు కలలా
లలిత రీతుల పలికే కోయిలా
ఆలపించే మధుగీతి

ఆమని దాసినీ
తొలి ఆమని దాసినీ

సొగసూ వలకబోసే
వగల సిరులు జూసీ
సొగసూ వలకబోసే
వగల సిరులు జూసీ
వలపు పాటలా తేనె మాటలా
వలలు వేసే యలతేటి

ఆమని దాసినీ
తొలి ఆమని దాసినీ 

 

Posted in: ఘంటసాల,లీల,సముద్రాల(jr)