సరిగంచు చీరకట్టి...

ఆలుమగలు ఒక్కటిగా సంసారాన్ని ఎలా చక్కదిద్దుకోవాలో, జల్సాల వైపు మొగ్గుచూపే మగని నిలువరించడంలో స్త్రీ పాత్ర ఎంతో చక్కగా చూపించిన ఈ నృత్య రూపకం వెలుగు నీడలు చిత్రంలోనిది. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : వెలుగునీడలు (1961)

సంగీతం : పెండ్యాల నాగేశ్వరరావు

సాహిత్యం : కొసరాజు

గానం : ఘంటసాల, పి.సుశీల 

సరిగంచు చీరకట్టి

బొమ్మంచు రైక తొడిగి

సరిగంచు చీరకట్టి

బొమ్మంచు రైక తొడిగి

జలసాగ నాతో రాయే

వయ్యారి ముద్దులగుమ్మ

సినిమాకు పోదం లేవే

గయ్యాళి రంగులబొమ్మ

నిలపర చిన్నోడో నీ సోకు నీ ఠీకు

ఏడనేర్చినావురో ఈ నీటు ఈ గోటు

మింగమెతుకు లేదాయె

మీసాలకు సెంటాయే

ఏటేటా బిడ్డాయె ఓపిక ఉడిగీ పోయే

ఇంట్లో ఈగలమోత

బయట పల్లకిమోత

నిలపర చిన్నోడో నీ సోకు నీ ఠీకు

ఏడనేర్చినావురో ఈ నీటు ఈ గోటు

సంపాదన జేసుకోను సత్తావున్నాదీ

సక్కనైన సుక్కనాకు పక్కనున్నాదీ

సంపాదన జేసుకోను సత్తావున్నాదీ

సక్కనైన సుక్కనాకు పక్కనున్నాదీ

సామి సల్లగా జూసి సంతువున్నాదీ

ఇంతకన్న సొర్గమంటె ఎక్కడున్నదీ

నిలపవె నారాణీ నీకేల భయమింక

ఆపవె బఠాణీ అల్లిబిల్లి కూతలింక

కనంగానె ఏమాయె

గాలికి వదిలావాయె

కనంగానె ఏమాయె

గాలికి వదిలావాయె

బిడ్డలంటె పట్టదాయె

చదువుగొడవ ఎత్తవాయె

బండ చాకిరీతో వాళ్ల

బతుకే తెల్లారిపోయె

నిలపర చిన్నోడో నీ సోకు నీ ఠీకు

ఏడనేర్చినావురో ఈ నీటు ఈ గోటు

సంతానం పెరక్కుండ సూసుకుందామె

సంసారం సాగుమానం సేసుకుందామె

సంతానం పెరక్కుండ సూసుకుందామె

సంసారం సాగుమానం సేసుకుందామె

సిల్లరంత కూడబెట్టి దాచుకుందామె

పిల్లగోళ్ళ సదువులకు వాడుకుందామె

నిజమేనే రాణి నువ్వు చూపిన బాట

ఇంటానులేవే ఇక మీద నీమాట

సంతోషమే… సంతోషమే…

సింతలేని కాపురమే శ్రీరంగమే

ఆలుమగలు ఒక్కటైతే ఆనందమే

సంతోషమే… సంతోషమే…

సింతలేని కాపురమే శ్రీరంగమే

ఆలుమగలు ఒక్కటైతే ఆనందమే

Posted in: కొసరాజు,ఘంటసాల,పి.సుశీల,పెండ్యాల