నీకో తోడు కావాలి...

చదువు, సంస్కారం, గుణగణాలే ఎన్నటికీ చెదరని ఆస్తులని చాటి చెప్పే ఓ సరదా ఐన నృత్య రూపకాన్ని ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : చదువుకున్న అమ్మాయిలు (1963)
సంగీతం : ఎస్.రాజేశ్వరరావు
సాహిత్యం : ఆరుద్ర 
గానం : ఘంటసాల, సుశీల

నీకో తోడు కావాలి నాకో నీడ కావాలి
ఇదిగో పక్కనుంది చక్కనైన జవ్వని
నన్నే నీదాన్ని చేసుకోవాలి

నీకో తోడు కావాలి నాకో నీడ కావాలి
ఇదిగో పక్కనుంది చక్కనైన జవ్వని
నన్నే నీదాన్ని చేసుకోవాలి

నవనాగరీక జీవితాన తేలుదాం
నైటుక్లబ్బులందు నాట్యమాడి సోలుదాం
నువ్వు అందమైన టిప్పుటాపు బాబువి
నేను అంతకన్న అప్టుడేటు బేబిని
వగలాడి నీకు తాళి బరువు ఎందుకు
ఎగతాళి చేసి దాని పరువు తీయకు

నీకో తోడు కావాలి నాకో నీడ కావాలి
ఇదిగో పక్కనుంది చక్కనైన జవ్వని
ఓ తల్లీ దయచేయి కోటిదండాలు

నేను పేరుపడిన వారి ఇంట పుట్టి పెరిగాను
ఏదొ హారుమని వాయిస్తూ పాడుకుంటాను
దనిస నిదనిప మగదిస దిగమప
నేను చదువులేనిదాననని అలుసు నీకేల
నీకు కలసివచ్చు లక్షలాస్తి విడిచిపోనేల
నీతో వియ్యం దినదినగండం
మీ ఆస్తి కోసం ఆత్మ నేను అమ్ముకోజాల

నీకో తోడు కావాలి నాకో నీడ కావాలి
ఇదిగో పక్కనుంది చక్కనైన జవ్వని
ఓ తల్లీ దయచేయి కోటిదండాలు

సిరులూ నగలూ మాకు లేవోయి
తళుకూ బెళుకుల మోజు లేదోయి
చదువూ సంస్కృతి సాంప్రదాయాలు
తెలుగుతనమే మా రత్నహారాలు
ధనరాశి కన్న నీ గుణమే మిన్న
నీలో సంస్కారకాంతులున్నాయి  

నీకో బ్రూటు దొరికింది 

మెడలో జోలి కడుతుంది

ఈమె కాలిగోటి ధూళి పాటి చేయరు 

ఓ త్వరగా దయచేస్తే కోటి దండాలు 

నీకో తోడు కావాలి నాకో నీడ కావాలి
ఓహో పక్కనున్న చక్కనైన జవ్వనీ
హాయ్‌ నిన్నే నాదాన్ని చేసుకుంటాను

Posted in: ఆరుద్ర,ఘంటసాల,పి.సుశీల,సాలూరి