మధువొలకబోసే...

కన్నవారి కలలు చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : కన్నవారి కలలు (1974)

సంగీతం : వి.కుమార్

సాహిత్యం : రాజశ్రీ

గానం : రామకృష్ణ, పి.సుశీల

మధువొలకబోసే ఈ చిలిపి కళ్ళూ

అవి నాకు వేసే బంగారు సంకెళ్ళూ

మధువొలకబోసే ఈ చిలిపి కళ్ళూ

అవి నాకు వేసే బంగారు సంకెళ్ళూ

మధువొలకబోసే ఈ చిలిపి కళ్ళూ

అవి నాకు వేసే బంగారు సంకెళ్ళూ

అడగకనే ఇచ్చినచో అది మనసుకందమూ

అనుమతినే కోరకనే నిండేవు హృదయమూ

తలవకనే కలిగినచో అది ప్రేమబంధమూ

బహుమతిగా దోచితివీ నాలోని సర్వమూ

మనసు మనసుతో ఊసులాడనీ

మూగభాషలో బాస చేయనీ

ఈ నాటి హాయీ వెయ్యేళ్ళు సాగాలనీ

మధువొలకబోసే ఈ చిలిపి కళ్ళూ

అవి నాకు వేసే బంగారు సంకెళ్ళూ

గగమముతో కడలి చెలి తెలిపినది ఏమనీ 

తలపులకూ వలపులకూ సరిహద్దు లేదనీ

కుసుమముతో ఆ భ్రమరం తెలిపినది ఏమనీ

జగమునకూ మన చెలిమీ ఆదర్శమౌననీ

కలలు తీరగా కలిసిపొమ్మనీ

కౌగిలింతలో కరిగిపొమ్మనీ

ఈ నాటి హాయీ వెయ్యేళ్ళు సాగాలనీ

మధువొలకబోసే హా ఈ చిలిపి కళ్ళూ హా..ఆ

అవి నాకు వేసే ఆఆ.ఆఅ.. బంగారు సంకెళ్ళూ 

 

Posted in: పి.సుశీల,రాజశ్రీ,రామకృష్ణ,వి.కుమార్