ఓఓఓ వయ్యార మొలికే...

మంగమ్మ శపథం చిత్రంలోని ఓ హుషారైన పాట ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : మంగమ్మ శపధం (1965)

సంగీతం : టి.వి. రాజు

సాహిత్యం : సినారె

గానం : ఘంటసాల, సుశీల

ఓ.. ఓ.. ఓ..

వయ్యార మొలికే చిన్నదీ.. ఉడికించుచున్నదీ

రమ్మంటే రాను పొమ్మన్నది..

ఆ.. ఆ.. ఆ..

సయ్యాటలాడే ఓ దొరా.. సరసాలు మానరా

కవ్వింతలేల ఇక చాలురా...

ఇంతలోనే ఏ వింత నీలో.. అంత తొందర కలిగించెను

చెంత నిలిచిన చిన్నారి చూపే.. అంతగా నన్ను కవ్వించెను

మనసే చలించెను.. అనురాగ వీణ పలికించెను

ఆ.. ఆ.. ఆ..

సయ్యాటలాడే ఓ దొరా.. సరసాలు మానరా

కవ్వింతలేల ఇక చాలురా...

హొయలు చిలికే నీ కళ్ళలోని.. ఓర చూపులు ఏమన్నవి

నగవు లొలికే నా రాజులోని.. సొగసులన్ని నావన్నవి

తలపే ఫలించెను.. తొలి ప్రేమ నేడు చిగురించెను

ఓ.. ఓ.. ఓ..

వయ్యారమొలికే చిన్నదీ.. ఉడికించుచున్నదీ

రమ్మంటే రాను పొమ్మన్నది..

Posted in: ఘంటసాల,టి.వి.రాజు,పి.సుశీల,సినారె