సీతాలు సింగారం...

సీతామాలక్ష్మి చిత్రంలోని ఓ చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : సీతామాలక్ష్మి (1978)

సంగీతం : కె.వి. మహదేవన్

సాహిత్యం : వేటూరి

గానం : బాలు, సుశీల

సీతాలు సింగారం.. మాలచ్చి బంగారం..

సీతామాలచ్చిమంటే శ్రీలచ్చిమవతారం..

సీతాలు సింగారం.. మాలచ్చి బంగారం

సీతామాలచ్చిమంటే.. శ్రీలచ్చిమవతారం

మనసున్న మందారం.. మనిషంతా బంగారం..

బంగారు కొండయ్యంటే.. భగవంతుడవతారం

మనసున్న మందారం.. మనిషంతా బంగారం..

బంగారు కొండయ్యంటే.. భగవంతుడవతారం..

సీతాలు సింగారం..ఊమ్మ్...

కూసంత నవ్విందంటే పున్నమి కావాల...

ఐతే నవ్వనులే..ఏ..ఏ

కాసంత చూసిందంటే కడలే పొంగాల...

ఇక చూడనులే ..ఏ.. ఏ

కూసంత నవ్విందంటే పున్నమి కావాల..

కాసంత చూసిందంటే కడలే పొంగాల..

ఎండితెర మీద పుత్తడి బొమ్మ ఎలగాల ఎదగాల

ఆ ఎదుగు బొదుగు ఎలుగు కన్నుల ఎన్నెల కాయాల..

నువ్వంటుంటే.. నేవింటుంటే.. నూరేళ్ళు నిండాల... ఆ..

సీతాలు సింగారం.. మాలచ్చి బంగారం

బంగారు కొండయ్యంటే ..భగవంతుడవతారం

మనసున్న మందారం...

లలల్లలా..లాలాలాలా..లలలాలా..

దాగుడు మూతలు ఆడావంటే దగ్గరకే రాను..

ఐతే నేనే వస్తాలే.. ఏ.. ఏ

చక్కలిగింతలు పెట్టావంటే చుక్కై పోతాను..

ఎగిరొస్తాలే.. ఏ.. ఏ..

దాగుడు మూతలు ఆడావంటే దగ్గరకే రాను

చక్కలిగింతలు పెట్టావంటే చుక్కై పోతాను

గుండె గుడిలోన దివ్వెవు నువ్వై వెలిగి... వెలిగించాల

నీ వెలుగుకు నీడై.. బ్రతుకున తోడై.. ఉండిపోవాలా

నువ్వంటుంటే.. నేవింటుంటే.. నూరేళ్ళు నిండాల.. ఆ..

సీతాలు సింగారం.. మాలచ్చి బంగారం

బంగారు కొండయ్యంటే.. భగవంతుడవతారం..

లలలాల..లలలా..లలలా...

 

Posted in: కె.వి.మహదేవన్,పి.సుశీల,బాలు,వేటూరి