వేణు గాన లోలుని గన...

రెండు కుటుంబాల కథ చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : రెండు కుటుంబాల కథ (1970)

సంగీతం : ఎస్. రాజేశ్వరరావు

సాహిత్యం : దాశరథి

గానం : సుశీల

వేణుగానలోలుని గన వేయి కనులు చాలవులే

సరసరాగ మాధురిలో సకల జగము సోలునులే

జగము సోలునులే

వేణుగానలోలుని గన వేయి కనులు చాలవులే

చిన్ననాడు గోపెమ్మల చిత్తములలరించి

మన్ను తిన్న ఆ నోటనే మిన్నులన్నీ చూపించి

కాళీయుణి పడగలపై లీలగా నటియించి

సురలు నరులు మురిసిపొవ ధరణినేలు గోపాలుని

వేణుగానలోలుని గన.. వేయి కనులు చాలవులే

అతని పెదవి సోకినంత అమృతము కురిసేను

అతని చేయి తాకినంత బ్రతుకే విరిసేను

సుందర యమునా...ఆ..ఆ..ఆ..ఆ..ఆ..ఆ..ఆ...

సుందర యమునా తటిలో సుందర యమునా తటిలో

సుందర యమునా తటిలో బృందావన సీమలలో

కలసి మెలిసి అలసి సొలసి వలపు తెలుపు వేళలో

వేణుగానలోలుని గన..వేయి కనులు చాలవులే

సరసరాగ మాధురిలో సకల జగము సోలునులే

జగము సోలునులే

వేణుగానలోలుని గన వేయి కనులు చాలవులే 

Posted in: దాశరధి,పి.సుశీల,వేణుగాన సమ్మోహనం,సాలూరి