పిల్లా..రా...

ఆర్.ఎక్స్ 100 చిత్రంలోని ఒక పాపులర్ పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : RX100 (2018)
సంగీతం : చైతన్ భరధ్వాజ్
సాహిత్యం : చైతన్య ప్రసాద్
గానం : అనురాగ్ కులకర్ణి

మబ్బులోన వాన విల్లులా...
మట్టిలోన నీటి జల్లులా..
గుండెలోన ప్రేమ ముల్లులా..
దాగినావుగా

అందమైన ఆశతీరకా..
కాల్చుతుంది కొంటె కోరికా..
ప్రేమ పిచ్చి పెంచడానికా..?
చంపడానికా?

కోరుకున్న ప్రేయసివే..
దూరమైన ఊర్వశివే..
జాలి లేని రాక్షసివే..
గుండెలోని నా కసివే..

చేపకళ్ళ రూపసివే..
చిత్రమైన తాపసివే..
చీకటింట నా శశివే..
సరసకు చెలి చెలి రా..

ఎల్లా విడిచి బ్రతకనే పిల్లా రా..
నువ్వే కనబడవా.. కళ్ళారా..
నిన్నే తలచి తలచిలా.. ఉన్నాగా..
నువ్వే ఎద సడివే.. అన్నాగా..

ఎల్లా విడిచి ప్రతకనే పిల్లా.. రా..
నువ్వే కనబడవా.. కళ్ళారా..
నిన్నే తలచి తలచిలా.. ఉన్నాగా..
నువ్వే ఎద సడివే..
మబ్బులోన వాన విల్లులా..
మట్టిలోన నీటి జల్లులా..
గుండెలోన ప్రేమ ముల్లులా దాగినావుగా!!

అందమైన ఆశతీరక..
కాల్చుతోంది కొంటె కోరిక
ప్రేమ పిచ్చి పెంచడానికా ? చంపడానికా?

చిన్నాదానా.. ఓసి అందాల మైనా
మాయగా మనసు జారిపడిపోయెనే
తపనతో నీ వెంటే తిరిగెనే
నీ పేరే పలికెనే
నీ లాగే కులికెనే
నిన్ను చేరగా..

ఎన్నాళ్ళైనా అవి ఎన్నేళ్ళు ఐనా
వందేళ్ళు ఐనా.. వేచి ఉంటాను నిన్ను చూడగా

గండాలైనా సుడి గుండాలు ఐనా.. ఉంటానిలా
నేను నీకే తోడుగా.. ఓ.. ప్రేమా
మనం కలిసి ఒకటిగా.. ఉందామా 

ఇదో ఎడతెగనీ.. హంగామా

 
ఎలా విడిచి బతకనే పిల్లా.. రా..
నువ్వే కనబడవా..
  
అయ్యో రామ.. ఓసి వయ్యారి భామ..
నీవొక మరపురాని మృదుభావమే
కిల కిల నీ నవ్వు తళుకులే
నీ కళ్ళ మెరుపులే
కవ్విస్తూ కనపడే గుండెలోతులో..

ఏం చేస్తున్నా.. నేను ఏ చోట ఉన్నా..
చూస్తూనే ఉన్నా..
కోటి స్వప్నాల ప్రేమ రూపము.
గుండె కోసి నిన్ను అందులో దాచి పూజించనా..
రక్త మందారాలతో..

కాలాన్నే.. మనం తిరిగి వెనకకే తోద్దామా
మళ్లీ మన కథనే.. రాద్దామా

ఎల్లా విడిచి బతకనే పిల్లా రా..
నువ్వే కనబడవా?

Posted in: అనురాగ్ కులకర్ణి,చైతన్ భరధ్వాజ్,చైతన్యప్రసాద్