వినుడు వినుడు రామాయణ...

లవకుశ చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : లవకుశ (1963)

సంగీతం : ఘంటసాల

సాహిత్యం : సముద్రాల (సీనియర్)

గానం : లీల, సుశీల

ఓ ఓ ఓ....

వినుడు వినుడు రామాయణ గాధా.. వినుడీ మనసారా

వినుడు వినుడు రామాయణ గాధా.. వినుడీ మనసారా

ఆలపించినా ఆలకించినా ఆనందమొలికించే గాధ

వినుడు వినుడు రామాయణ గాధా.. వినుడీ మనసారా

శ్రీరాముని రారాజు సేయగా కోరెను దశరధ భూజాని

పౌరులెల్ల ఉప్పొంగిపోయిరా మంగళ వార్త వినీ

ఆ ఆ ఆ ఆ ..... ఆ ఆ ఆ ఆ

పౌరులెల్ల ఉప్పొంగిపోయిరా మంగళ వార్త వినీ

కారు చిచ్చుగా మారెను కైకా మందర మాట వినీ.. 

మందర మాట వినీ

వినుడు వినుడు రామాయణ గాధా వినుడీ మనసారా

అలుక తెలిసి ఏతెంచిన భూపతినడిగెను వరములు ఆ తన్వి

జరుపవలయు పట్టాభిషేకమూ భరతుడికీ పృధివీ

మెలగవలయు పదునాలుగేడులూ రాముడు కారడవీ

చెలియ మాటకూ ఔను కాదనీ పలుకడు భూజానీ

కూలే భువిపైని...

వినుడు వినుడు రామాయణ గాధా వినుడీ మనసారా

కౌసలేయు రావించి మహీపతి ఆనతి తెలిపెను పినతల్లి

మోసమెరిగి సౌమిత్రి కటారీ దూసెను రోసిల్లీ

దోసమనీ వెనుదీసె తమ్మునీ రాముడు దయశాలీ

వనవాస దీక్షకూ సెలవు కోరె పినతల్లీ పదాల వ్రాలి

ఆ..... ఆ... ఆ... ఆ...

వెడలినాడు రాఘవుడూ అడవికేగగా

పడతి సీత సౌమిత్రీ తోడు నీడగా

వెడలినాడు రాఘవుడూ అడవికేగగా

పడతి సీత సౌమిత్రీ తోడు నీడగా

గోడుగోడున అయోధ్య ఘొల్లుమన్నదీ

వీడకుమా మనలేనని వేడుకున్నదీ

అడుగులబడి రాఘవా....

అడుగలబడి రాఘవా ఆగమన్నదీ..

ఆగమన్నదీ .. ఆగమన్నదీ

అడలి అడలి కన్నీరై అరయుచున్నదీ

Posted in: ఘంటసాల,పి.సుశీల,లీల,సముద్రాల(Sr)