ఏమంటున్నది ఈ గాలీ...

మేమూ మనుషులమే చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే  వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. 

చిత్రం : మేమూ మనుషులమే (1973)

సంగీతం : ఎం.ఎస్. విశ్వనాథన్

సాహిత్యం : ఆచార్య ఆత్రేయ

గానం : బాలు, సుశీల

ఏమంటున్నది ఈ గాలీ?

ఎగిరే పైటను అడగాలీ..

ఏమంటున్నది ఈ గాలీ?

ఎగిరే పైటను అడగాలీ..

ఎగిరే పైటను ఏం చెయ్యాలి?

ఇంకో కొంగును ముడివెయ్యాలి 

అహ..అహ..హ..

ఎగిరే పైటను ఏం చెయ్యాలి?

ఇంకో కొంగును ముడివెయ్యాలి

ఏమంటున్నది ఈ గాలీ?

ఎగిరే పైటను అడగాలీ

పైటకు తెలుసు చాటున 

పొంగే ప్రాయం రెపరెపలూ...

గాలికి తెలుసూ విరిసీ విరియని 

పూవుల ఘుమఘుమలూ..

ఊగే నడుమూ.. సాగే జడతో..

వేసెను పంతాలూ..ఊ..

నీలో వుడుకూ.. నాలో దుడుకూ.. 

చేసెను నేస్తాలూ.. చేసెను నేస్తాలూ..

ఏమంటున్నది ఈ గాలీ... 

ఎగిరే పైటను అడగాలీ...

మబ్బు మబ్బుతో ఏకమైనది.. 

సాయం సమయంలో...ఓ..

మనసు మనసుతో లీనమైనది.. 

మమతల మైకంలో...ఓ..

అల్లరి కళ్లూ.. వెన్నెల నవ్వూ.. 

పెట్టెను గిలిగింతా..

వెచ్చని వొడిలో.. ఇచ్చిన చోటున.. 

ఇమిడెను జగమంతా..

ఇమిడెను జగమంతా..

ఏమంటున్నది ఈ గాలీ... 

ఎగిరే పైటను అడగాలీ...

అహ..హ..అహా...లల..ల.లా.లా..

అహ..హ..అహా...లల..ల.లా.లా..

Posted in: ఆత్రేయ,ఎమ్మెస్ విశ్వనాధం,పి.సుశీల,బాలు