శనివారం, ఆగస్టు 29, 2020

పిల్ల కోతులే వీళ్ళు...

తేజ తీసిన సినిమాలన్నిటిలోకి నేను ఎక్కువ సార్లు చూసిన సినిమా ఈ 'ఫ్యామిలీ సర్కస్'. పిల్లల అల్లరి, ధర్మవరపు కోటా కాంబినేషన్, రాజేంద్రప్రసాద్, ఎమ్మెస్, బ్రహ్మానందం ఒకరేంటి ప్రతి సీన్ నవ్వులే నవ్వులు. ఈ సినిమాలో సీన్స్ మీమర్స్ ఇప్పటికీ వాడుతున్నారంటే అర్ధంచేస్కోవచ్చు. అలాంటి సినిమాలో నుండి ఒక సరదా పాట ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : ఫ్యామిలీసర్కస్ (2001)
సంగీతం : ఆర్.పి.పట్నాయక్ 
సాహిత్యం : కులశేఖర్ 
గానం : కోరస్   

సర్కస్ సర్కస్ ఇది ఫ్యామిలీ సర్కస్
పిల్ల కోతులే వీళ్ళు పిల్లకోతులే 
తోక తక్కువైన డౌటు లేదులే 
ఫ్యామిలీ సర్కస్ ఇది ఫ్యామిలీ సర్కస్ 
అల్లరాపరే ఎంత చెప్పినా సరే 
బ్రహ్మ దేవుడైన ఆపలేడులే 
ఫ్యామిలీ సర్కస్ ఇది ఫ్యామిలీ సర్కస్ 

ఇంటికొక్కడున్నచో 
ఇలాంటి పిల్లగాడు
ఊరువాడ సందడేరా 
చిన్న చూపు వద్దురా 
ఇలాంటి పోరగాళ్ళు 
పక్కలోన బాంబులేరా 
చలాకి ఈడూ జోరు చూడూ
ఆరుబైట ఆపలేని 
మాయదారి కాకి గోల 

సర్కస్ సర్కస్ ఇది ఫ్యామిలీ సర్కస్
సర్కస్ సర్కస్ ఇది ఫ్యామిలీ సర్కస్

నేటి భర్తలు వట్టి దిష్టిబొమ్మలూ 
వినక తప్పదయ్య భార్య మాటలూ
ఫ్యామిలీ సర్కస్ ఇది ఫ్యామిలీ సర్కస్ 
నీళ్ళ పోతలూ పెట్టు తిరగమోతలూ 
మనవి కావులేరా అన్ని రోజులు
ఫ్యామిలీ సర్కస్ ఇది ఫ్యామిలీ సర్కస్ 

మీసమెంత తిప్పినా 
మగాళ్ళ రోషమంత
చిచ్చుబుడ్డి టైపు లేరా 
దేశమంత మెచ్చినా 
మహానుభావులంత 
ఆలిముందు పిల్లులేరా
ఆడవారు ఊరుకోరు 
అప్పడాల కర్రతోటి 
భర్త మీదకురుకుతారు 
 
సర్కస్ సర్కస్ ఇది ఫ్యామిలీ సర్కస్
సర్కస్ సర్కస్ ఇది ఫ్యామిలీ సర్కస్

కొత్త కాపురం ఎంత కొంటె కాపురం 
ప్రతి ఇంటిలోన వింత భారతం
ఫ్యామిలీ సర్కస్ ఇది ఫ్యామిలీ సర్కస్ 
ప్రేమ నాటకం బంధమొట్టి బూటకం
బొమ్మ బొరుసు కాద మనిషి జీవితం
ఫ్యామిలీ సర్కస్ ఇది ఫ్యామిలీ సర్కస్ 

అల్లరంటు చెయ్యనీ 
బడాయి పిల్లలంత 
అల్మరాలో బొమ్మలేరా
నవ్వులంటు నవ్వనీ 
పరాన్న జీవులంత 
తుమ్మచెట్టు దిమ్మలేరా
ఇలాంటి వారు లేకపోరూ
ఖర్మ కాలి కంటిముందె 
దెయ్యమల్లె తిరుగుతారు 

సర్కస్ సర్కస్ ఇది ఫ్యామిలీ సర్కస్
సర్కస్ సర్కస్ ఇది ఫ్యామిలీ సర్కస్ 
 

0 comments:

కామెంట్‌ను పోస్ట్ చేయండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.