శనివారం, ఆగస్టు 15, 2020

పుణ్య భూమి నా దేశం...

స్వాతంత్ర్య దినోత్సవం సందర్బంగా భారతీయులందరకూ శుభాకాంక్షలు తెలుపుతూ మేజర్ చంద్రకాంత్ చిత్రంలోని ఈ అద్భుతమైన పాటను తలచుకుందామీరోజు. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. 

ఇలాంటి ఎన్నో అద్భుతమైన పాటలు పాడి కొన్ని దశాబ్దాలుగా మనల్ని అలరిస్తున్న బాలసుబ్రహ్మణ్యం గారు కోవిడ్ తో చేస్తున్న పోరాటంలో విజయం సాధించి సంపూర్ణారోగ్యంతో త్వరగా ఇంటికి తిరిగి రావాలనీ మరెన్నో ఏళ్ళు పాటలు పాడుతూ కొత్త గాయకులను ప్రోత్సహిస్తూ ఆనాటి సినిమా కబుర్లు మనతో పంచుకుంటూ చిరంజీవిగా వర్థిల్లాలని మనస్ఫూర్తిగా కోరుకుంటున్నాను.  


చిత్రం : మేజర్ చంద్రకాంత్ (1993)
సంగీతం : కీరవాణి   
సాహిత్యం : జాలాది
గానం : బాలు 

పుణ్య భూమి నా దేశం నమో నమామి
ధన్య భూమి నా దేశం సదా స్మరామి
పుణ్య భూమి నా దేశం నమో నమామి
ధన్య భూమి నా దేశం సదా స్మరామి
నన్ను కన్న నా దేశం నమో నమామి
అన్నపూర్ణ నా దేశం సదా స్మరామి
మహా మహుల కన్న తల్లి నా దేశం
మహొజ్వలిత చరిత గన్న 
భాగ్యోదయ దేశం.. నా దేశం 

పుణ్య భూమి నా దేశం నమో నమామి
ధన్య భూమి నా దేశం సదా స్మరామి

అదుగో ఛత్రపతి, ధ్వజమెత్తిన ప్రజాపతి
మతొన్మాద శక్తులు చురకత్తులు ఝళిపిస్తే
మానవతుల మాంగల్యం మంట కలుపుతుంటే
ఆ క్షుద్ర రాజకీయానికి రుద్రనేత్రుడై లేచి
మాతృ భూమి నుదుటిపై 
నెత్తుటి తిలకం దిద్దిన మహా వీరుడు 
సార్వభౌముడు...

అడుగొ అరి భయంకరుడు కట్ట బ్రహ్మన
అది వీర పాండ్య వంశాంకుర సింహ గర్జన
అడుగో అరి భయంకరుడు కట్ట బ్రహ్మన
అది వీర పాండ్య వంశాంకుర సింహ గర్జన
ఒరేయ్ ఎందుకు కట్టాలిరా శిస్తు నారు పోసావా
నీరు పెట్టావ, కోత కోసావా, కుప్ప నూర్చావా
ఒరేయ్ తెల్ల కుక్క కష్ట జీవుల ముష్టి మెతుకులు
తిని బతికె నీకు శిస్తు ఎందుకు కట్టాలిరా
అని ఫెళ ఫెళ సంకెళ్ళు తెంచి, 
స్వరాజ్య పొరాటమెంచి
ఉరికొయ్యల ఉగ్గు పాలు తాగాడు 
కన్న భూమి ఒడిలోనే ఒరిగాడు

పుణ్య భూమి నా దేశం నమో నమామి
ధన్య భూమి నా దేశం సదా స్మరామి
నన్ను కన్న నా దేశం నమో నమామి
అన్నపూర్ణ నా దేశం సదా స్మరామి

అదిగదిగో అదిగదిగో ఆకాశం బళ్ళున తెల్లరీ
వస్తున్నాడదిగో మన అగ్గి పిడుగు అల్లూరి 
అగ్గి పిడుగు అల్లూరి
ఎవడురా నా భరత జాతిని కప్పమడిగిన తుచ్ఛుడు
ఎవడు ఎవడా పొగరు పట్టిన తెల్ల దొరగాడెవ్వడు
బ్రతుకు తెరువుకు దేశమొచ్చి బానిసలుగా
మమ్ము నెంచి పన్నులడిగె కొమ్ములొచ్చిన 
దమ్ములెవడికి వచ్చెరా
బడుగు జీవులు భగ్గుమంటె 
ఉడుకు నెత్తురు ఉప్పెనైతే
ఆ చండ్ర నిప్పుల గండ్ర గొడ్డలి 
పన్ను కడతది చూడరా
అన్న ఆ మన్నెందొర అల్లురిని చుట్టుముట్టి
మందీ మార్బల మెట్టి మర ఫిరంగులెక్కు పెట్టి
వంద గుళ్ళు ఒక్క సారి పేల్చితే
వందే మాతరం వందేమాతరం
వందే మాతరం వందేమాతరం 
వందేమాతరం అన్నది ఆ ఆకాశం

అజాదు హిందు ఫౌజు దళపతీ నేతాజీ
అఖండ భరత జాతి కన్న మరో శివాజీ
సాయుధ సంగ్రామమే న్యాయమనీ
స్వతంత్ర భరతావని మన స్వర్గమని
ప్రతి మనిషొక సైనికుడై ప్రాణార్పన చేయాలని
హిందు ఫౌజు జై హిందని నడిపాడు
గగన శిగలకెగసి కనుమరుగై పోయాడు
జోహార్ జోహార్ సుభాష్ చంద్రబోస్
జోహార్ జోహార్ సుభాష్ చంద్రబోస్

గాంధీజి కలలుగన్న స్వరాజ్యం
సాధించే సమరంలొ అమరజ్యొతులై వెలిగే
ధృవతారల కన్నది ఈ దేశం
చరితార్దుల కన్నది 
నా భరత దేశం నా దేశం

పుణ్య భూమి నా దేశం నమో నమామి
ధన్య భూమి నా దేశం సదా స్మరామి
నన్ను కన్న నా దేశం నమో నమామి
అన్నపూర్ణ నా దేశం సదా స్మరామి 

 

4 comments:

చాలా మంచి పాట గుర్తు చేసారండి. బాలు గారు అద్భుతంగా పాడారు ఈ పాట.

వ్యాఖ్యానించినందుకు థ్యాంక్సండీ. నిజమే బాలు గారు అద్భుతంగా పాడిన పాట ఇది.

సాహో..బాలు,యన్.టి.ఆర్ ..

ఇద్దరూ గ్రేట్ లెజండ్స్ అండీ.. థ్యాంక్స్ ఫర్ యువర్ కామెంట్ శాంతి గారు.

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.