మౌనంగానే ఎదగమని...

నా ఆటోగ్రాఫ్ స్వీట్ మెమొరీస్ చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడ్ చేసిన వీడియో ఇక్కడ చూడవచ్చు.

చిత్రం : నా ఆటోగ్రాఫ్ (2004)

సంగీతం : M.M.కీరవాణి

రచన : చంద్రబోస్

గానం : చిత్ర

మౌనంగానే ఎదగమని మొక్క నీకు చెబుతుంది

ఎదిగిన కొద్దీ ఒదగమని అర్ధమందులో ఉంది

మౌనంగానే ఎదగమని మొక్క నీకు చెబుతుంది

ఎదిగిన కొద్దీ ఒదగమని అర్ధమందులో ఉంది

అపజయాలు కలిగిన చోటే గెలుపు పిలుపు వినిపిస్తుంది

ఆకులన్ని రాలిన చోటే కొత్త చిగురు కనిపిస్తుంది

మౌనంగానే ఎదగమని మొక్క నీకు చెబుతుంది

ఎదిగిన కొద్దీ ఒదగమని అర్ధమందులో ఉంది

అపజయాలు కలిగిన చోటే గెలుపు పిలుపు వినిపిస్తుంది

ఆకులన్ని రాలిన చోటే కొత్త చిగురు కనిపిస్తుంది

దూరమెంతో ఉందని దిగులు పడకు నేస్తమా

దరికి చేర్చు దారులు కూడ ఉన్నాయిగా

భారమెంతో ఉందని బాధపడకు నేస్తమా

బాధవెంట నవ్వుల పంట ఉంటుందిగా

సాగర మధనం మొదలవగానే విషమే వచ్చింది

విసుగే చెందక కృషి చేస్తేనే అమృతమిచ్చింది

అవరోధాల దీవుల్లో ఆనంద నిధి ఉన్నది

కష్టాల వారధి దాటిన వారికి సొంతమౌతుంది

తెలుసుకుంటె సత్యమిది

తలచుకుంటె సాధ్యమిది

మౌనంగానే ఎదగమని మొక్క నీకు చెబుతుంది

ఎదిగిన కొద్దీ ఒదగమని అర్ధమందులో ఉంది

అపజయాలు కలిగిన చోటే గెలుపు పిలుపు వినిపిస్తుంది

ఆకులన్ని రాలిన చోటే కొత్త చిగురు కనిపిస్తుంది

చెమట నీరు చిందగా నుదుటి రాత మార్చుకో

మార్చలేనిదేదీ లేదని గుర్తుంచుకో

పిడికిలే బిగించగా చేతి గీత మార్చుకో

మారిపోని కధలే లేవని గమనించుకో

తోచినట్టుగా అందరి రాతను బ్రహ్మే రాస్తాడు

నచ్చినట్టుగా నీ తలరాతను నువ్వే రాయాలి

మా ధైర్యాన్ని దర్శించి దైవాలే తలదించగా 

మా ధైర్యాన్ని దర్శించి దైవాలే తలదించగా

మా సంకల్పానికి ఆ విధి సైతం చేతులెత్తాలి

అంతులేని చరితలకి ఆది నువ్వు కావాలి

మౌనంగానే ఎదగమని మొక్క నీకు చెబుతుంది

ఎదిగిన కొద్దీ ఒదగమని అర్ధమందులో ఉంది

అపజయాలు కలిగిన చోటే గెలుపు పిలుపు వినిపిస్తుంది

ఆకులన్ని రాలిన చోటే కొత్త చిగురు కనిపిస్తుంది

Posted in: కీరవాణి,చంద్రబోస్,చిత్ర,స్ఫూర్తిదాయక గీతాలు