మిల మిల మెరిసెను తార...

నిర్ణయం చిత్రంలోని ఒక చక్కని మెలోడీ ని ఈ రోజు తలచుకుందాం. ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : నిర్ణయం (1991)

సంగీతం : ఇళయరాజా

సాహిత్యం : వేటూరి

గానం : మనో, ఎస్. జానకి

మిల మిల మెరిసెను తార నీ ప్రేమలా

చిలిపిగ కురిసెను ప్రేమా నీ కన్నులా

గాలిలో లాలిలా గానమై ఇలా

లాలించెలే నన్నే ఓ పాపలా

వేధించెలే నన్నే నీ నీడలా

మిల మిల మెరిసెను తార నీ ప్రేమలా

వెచ్చనైన గుండె గిన్నెలో

వెన్నలింత దాచి ఉంచకు

పొన్న చెట్టు లేని తోటలో

కన్నె వేణువాలపించకు

ప్రేమ అన్నదే ఓ పల్లవైనదీ

పెదవి తాకితే ఓ పాటలే అదీ

ఆమని ప్రేమని పాడే కోయిలా

మిల మిల మెరిసెను తార నీ ప్రేమలా

చిలిపిగ కురిసెను ప్రేమా నీ కన్నులా

గాలిలో లాలిలా గానమై ఇలా

లాలించెలే నన్నే ఓ పాపలా

వేధించెలే నన్నే నీ నీడలా

మౌనమైన మాధవీ లత

మావి కొమ్మనల్లుకున్నది

ఎల్లువైన రాగమిప్పుడే

ఏకతాళమందుకున్నది

తోచదాయనే ఓ తోడు లేనిదే

కౌగిలింతలే ఓ కావ్యమాయలే

ఎన్నడు లేనిది ఎందుకో ఇలా

మిల మిల మెరిసెను తార నీ ప్రేమలా

చిలిపిగ కురిసెను ప్రేమా నీ కన్నులా

గాలిలో లాలిలా గానమై ఇలా

లాలించెలే నన్నే ఓ పాపలా

వేధించెలే నన్నే నీ నీడలా

Posted in: జానకి,మనో,వేటూరి