ఆదివారం, ఆగస్టు 20, 2017

సుయ్ సుయ్ మువ్వల గోపాలా...

జాకీ చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : జాకీ (1985)
సంగీతం : బాలు
సాహిత్యం : వేటూరి
గానం : బాలు, సుశీల

సుయ్ సుయ్ సుయ్ సుయ్
మువ్వల గోపాలా జాజిపువ్వుల జంపాలా
నీ పాలబడ్డాక ఏపాల ముంచేవు నాపాలి గోపాలా
నీ ముంగిట గొబ్బెమ్మనైనా నీ ముద్దుల గోపెమ్మనైనా
దీపాల వేళల్లో భూపాల రాగాలు పాడేటీ గోపాలా

సుయ్ సుయ్ సుయ్ సుయ్
మువ్వల గోపాలా జాజిపువ్వుల జంపాలా
నీ పాలబడ్డాక ఏపాల ముంచేవు నాపాలి గోపాలా
 
వెచ్చగ జారే కన్నీళ్ళే వెన్నెల ముత్యాలూ
చెమ్మలు ఆరిన చెక్కిళ్ళే చారెడు పగడాలూ
మల్లెలు నింపిన దోసిళ్ళే మళ్ళూ మాన్యాలూ
నేలకు నేడే దింపిస్తా తారా ధాన్యాలూ
పిల్లనా గ్రోవి అల్లనా గుండె ఝల్లన చల్లగ ఊదేటి వేళా

హాయ్ హాయ్ హాయ్ హాయ్
ముద్దుల గోపెమ్మా పొన్న పువ్వుల నవ్వమ్మా
ఆపాలు తీయొద్దు తాపాలు పెంచొద్దు రేపల్లె బుల్లెమ్మా

నిన్నటి రైకల మబ్బుల్లో చిక్కిన చంద్రుళ్ళూ
గిచ్చిన గోరుల అచ్చుల్లో చేయని చేవ్రాళ్ళూ
కౌగిలి పట్టిన గుర్తుల్లో కందిన అందాలూ
కంటెలు పట్టిన కంఠంలో ఎర్రని రాగాలూ
గుమ్మరో ముద్దుగుమ్మరో 
గుమ్మపాలను తీసేటి ఈ సందెవేళా

సుయ్ సుయ్ సుయ్ సుయ్
మువ్వల గోపాలా మా నవ్వుల గోపాలా
నీ పాలబడ్డాక ఏపాల ముంచేవు నాపాలి గోపాలా
నీ దాచిన వెన్నలు తిన్నా నీ దాగని వన్నెలు కన్నా
గోధూళి వేళల్లో గోరంత దీపాలు నీ కళ్ళే చాలమ్మా

హాయ్ హాయ్ హాయ్ హాయ్
నీ పాలబడ్డాక ఏపాల ముంచేవు నాపాలి గోపాలా
ముద్దుల గోపెమ్మా పొన్న పువ్వుల నవ్వమ్మా
ఆపాలు తీయొద్దు తాపాలు పెంచొద్దు రేపల్లె బుల్లెమ్మా

0 comments:

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.