అమ్మ కడుపు చల్లగా...

సాక్షి చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : సాక్షి (1967)

సంగీతం : కె.వి.మహదేవన్

సాహిత్యం : ఆరుద్ర

గానం : సుశీల

అమ్మ కడుపు చల్లగా అత్త కడుపు చల్లగా

బతకరా బతకరా పచ్చగా

నీకు నేనుంటా వెయ్యేళ్ళు తోడుగా నీడగా

అమ్మ కడుపు చల్లగా అత్త కడుపు చల్లగా

బతకరా బతకరా పచ్చగా

నా మెడలో తాళిబొట్టు కట్టరా

నా నుదుట నిలువు బొట్టు పెట్టరా

నా మెడలో తాళిబొట్టు కట్టరా

నా నుదుట నిలువు బొట్టు పెట్టరా

నీ పెదవి మీద సిరునవ్వు చెరగదురా

నా సిగపూవుల రేకైనా వాడదురా వాడదురా

బతకరా బతకరా పచ్చగా

సల్లనీ అయిరేణికి మొక్కరా

సన్నికల్లు మీద కాలు తొక్కరా

సల్లనీ అయిరేణికి మొక్కరా

సన్నికల్లు మీద కాలు తొక్కరా

చల్లనేళ కంటనీరు వద్దురా

నా నల్ల పూసలే నీకు రక్షరా రక్షరా

బతకరా బతకరా పచ్చగా

నా కొంగు నీ చెంగూ ముడివేయరా

నా చేయీ నీ చేయీ కలపరా

నా కొంగు నీ చెంగూ ముడివేయరా

నా చేయీ నీ చేయీ కలపరా

ఏడడుగులు నాతో నడవరా

ఆ యముడైనా మనమద్దికి

రాడురా రాడురా

బతకరా బతకరా పచ్చగా

అమ్మ కడుపు చల్లగా అత్త కడుపు చల్లగా

బతకరా బతకరా పచ్చగా

Posted in: ఆరుద్ర,కె.వి.మహదేవన్,పి.సుశీల