ఆకాశ పందిరిలో...

శ్రీ రాజేశ్వరీ విలాస్ కాఫీ క్లబ్ సినిమాలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : శ్రీ రాజేశ్వరీ విలాస్ కాఫీ క్లబ్ (1976)
సంగీతం : పెండ్యాల నాగేశ్వరరావు
సాహిత్యం : దాశరధి
గానం : సుశీల

ఆకాశ పందిరిలో నీకు
నాకు పెళ్ళంట
అప్సరలే పేరంటాళ్ళు
దేవతలే పురోహితులంట
దీవెనలు ఇస్తారంటా...
ఆకాశ పందిరిలో నీకు
నాకు పెళ్ళంట
అప్సరలే పేరంటాళ్ళు
దేవతలే పురోహితులంట

తళుకుబెళుకు
నక్షత్రాలు తలంబ్రాలు
తెస్తారంట
తళుకుబెళుకు
నక్షత్రాలు తలంబ్రాలు
తెస్తారంట
మెరుపు తీగ తోరణాలు
మెరిసి మురిసి పోయేనంట
మరుపురాని వేడుకలంట...

ఆకాశ పందిరిలో నీకు
నాకు పెళ్ళంట

పిల్లగాలి మేళగాళ్ళు
పెళ్ళిపాట పాడేరంట
పిల్లగాలి మేళగాళ్ళు
పెళ్ళిపాట పాడేరంట
రాజహంస జంట చేరి
రత్నహార తెచ్చేనంట

రాసకేళి జరిపేరంట...

ఆకాశ పందిరిలో నీకు
నాకు పెళ్ళంట
అప్సరలే పేరంటాళ్ళు
దేవతలే పురోహితులంట

వన్నెచిన్నెల
ఇంధ్రదనుసుపై వెన్నెల
పానుపు వేసేనంట
వన్నెచిన్నెల
ఇంధ్రదనుసుపై వెన్నెల
పానుపు వేసేనంట
మబ్బులు తలుపులు
మూసేనంటా. ఆ.ఆ.ఆ
మబ్బులు తలుపులు
మూసేనంట మగువలు తొంగి
చూసేరంట
మనలను గేలి చేసేరంట..

 

Posted in: దాశరధి,పి.సుశీల,పెండ్యాల,బాపు