ఐదురోజుల పెళ్లి...

వరుడు చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడీయో ఇక్కడ చూడవచ్చు.

చిత్రం : వరుడు (2010)
సంగీతం : మణిశర్మ
సాహిత్యం : వేటూరి
గానం : రంజిత్, సునంద, మాళవిక, 

హేమచంద్ర, జమునా రాణి

ఐదురోజుల పెళ్లి అమ్మంటి పెళ్లీ
తొలిచూపులే లేని తెలుగింటి పెళ్లీ
వరుడు కోరిన పెళ్లి రామయ్య పెళ్లీ
వధువు ఎవరో కాదు సీతమ్మ తల్లీ
ఆకాశ పందిళ్లు భూలోక సందళ్ళు
శ్రీరస్తు పెళ్లిళ్లు శుభమస్తు నూరేళ్లు

తుమ్మెదలాడె గుమ్మల జడలు
హంసలు ఊడే అమ్మల నడలు
నగలకు కందే మగువల మెడలు
పడుచు కళ్లకె గుండెల దడలు
పారాణమ్మ కోవెల ముందు
పసుపులాటతొ ధ్వజారోహణం
కళ్యణానికి అంకురార్పణం
పడతులు కట్టె పచ్చతోరణం

ఇందరింతుల చేయి సుందరుడీ హాయి
తలకు పోసె చేయి తలపులొక్క వేయి
నలుగు పెట్టిన కొద్దీ అలిగింది వయసు
వయసు అలిగిన కొద్దీ వెలిగింది మనసు

మగపెళ్లి వారట నేమాని వారట
పెళ్లికి తరలి వస్తున్నారట
కాఫీలు అడగరట ఉప్మాలు ఎరగరట
వీరికి సద్దన్నమే ఘనమౌ
వీరి గోప్పలు చెప్ప తరమా
బాండ్ మేళాం అడగరట
డోలు సన్నాయి ఎరగరట
వీరికి భోగ మేళాం ఘనమౌ
వీరి గోప్పలు చెప్ప తరమా
మగపెళ్లి వారట నేమాని వారట
పెళ్లి కి తరలి వస్తున్నారట

ఇమ్మని కట్నం కోరి మేం అడగేలేదు
ఇప్పటికైన ఎఫ్ ఎ బి ఎ చెప్పించండి
చెన్నపట్నం స్టాండ్ అద్దం కావాల్మాకు
దానికి తగిన పందిరి మంచం ఇప్పించండి
కానుపూరు కండ్ల జోడు కావాల్మాకు
దానికి తగిన రిస్టు వాచ్ ఇప్పించండి
ఇమ్మని కట్నం కోరి మేం అడగేలేదు
ఇప్పటికైన ఎఫ్ ఎ బి ఎ చెప్పించండి

నచ్చె నచ్చె అచ్చ గర్ల్ ఫ్రెండ్ ఎక్కడ
యె ఎక్కడ

అది లబొ దిబొ గబ్బొ జబ్బొ మారేజి లవ్వు మారేజి
అది హనీ మూన్ అవ్వoగానె డామేజీ
ఎవరికి వారె యమునా తీరె పాకేజి తోక పీకేజి
అది అటొ ఇటొ అయ్యిందంటె దారెదీ కృష్ణా బారేజ్

ఆకాశ పందిళ్లు భూలోక సందళ్లు
శ్రీరస్తు పెళ్లిళ్లు శుభమస్తు నూరేళ్లు
ఐదురోజుల పెళ్లి అమ్మంటి పెళ్లీ
తొలిచూపులే లేని తెలుగింటి పెళ్లీ
వరుడు కోరిన పెళ్లి రామయ్య పెళ్లీ
వధువు ఎవరో కాదు సీతమ్మ తల్లీ

చేదు కాదోయి తమలాకు ముక్క
అందులొ వెయ్యి సిరిపోక సెక్క
సున్నమేసావొ నీ నోరు పొక్క
ఫక్కు మంటాది మా ఇంటి సుక్క
పచ్చ కర్పూర తాంబూలమిచ్చాక
ఎక్క వచ్చోయి పూమల్లె పక్క

పంచుకొవచ్చు మా పాల సుక్క
పండుకోవచ్చు సై అంటె సుక్క
తెల్లవారాక నీ బుగ్గ సుక్క
గుమ్మ తిలకాల గురుతైన లక్క
కడిగినా పోదు ఈ బంధమల్లూడొ
నిండు నూరేళ్ళదీ జంట అక్క

నిన్ను దీవించిన ఆడ బిడ్డ
ఊరు దివిసీమలో నందిగెడ్డ
ఆడ పంతుళ్ల అక్షింతలడ్డ
మంచి శకునాల మీ ఇంట సెడ్డ
మమ్ము కనిపెట్టు మా రాస బిడ్డ

తట్టలొ కూర్చుండ బెట్టిన వధువునా
గుమ్మడి పువ్వులొ కులికెనొకటీ..
అది మంచు ముత్యమా
మన వధువు రత్నమా 

Posted in: జమునా రాణి,మణిశర్మ,మాళవిక,రంజిత్,వేటూరి,సునంద,హేమచంద్ర