అడగాలని ఉంది...

చిన్ననాటి స్నేహితులు చిత్రంలోని ఒక సరదా అయిన పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : చిన్ననాటి స్నేహితులు (1971)

సంగీతం : టి.వి. రాజు

సాహిత్యం : సినారె

గానం : బాలు, సుశీల

అడగాలని ఉంది... ఒకటడగాలని ఉంది

అడగాలని ఉంది ...ఒకటడగాలని ఉంది

అడిగిన దానికి బదులిస్తే... ఇస్తే...

అందుకు బహుమానం ఒకటుంది

అడగాలని ఉంది... ఒకటడగాలని ఉంది..ఈ...ఈ...

ఎదురుగా నిలుచుంటే...ఎంతో ముద్దుగ మెరిసేదేది?

ఎదురుగా నిలుచుంటే...ఎంతో ముద్దుగ మెరిసేదేది?

అందీ అందకుంటే..అందీ అందకుంటే

ఇంకెంతో అందం చిందేదేది?

చేప...ఉహు..చూపు.. ఆహ..

సిగ్గు...ఉహు..మొగ్గ...ఆహ..

మొగ్గ కాదు.. కన్నెపిల్ల బుగ్గా..

అడగాలని ఉంది ...ఒకటడగాలని ఉంది

అడిగిన దానికి బదులిస్తే... ఇస్తే...

అందుకు బహుమానం ఒకటుంది

అడగాలని ఉంది... ఒకటడగాలని ఉంది..ఈ...ఈ...

కొత్తగా రుచి చూస్తుంటే...మత్తుగా ఉండేదేది?

కొత్తగా రుచి చూస్తుంటే...మత్తుగా ఉండేదేది

మళ్ళీ తలచుకుంటే...మళ్ళీ తలచుకుంటే...

మరింత రుచిగా ఉండేదేది?

వెన్నా...ఉహు...జున్ను...ఉహు

తీపి ..ఉహు..ఆ పులుపు ఆహ...

పులుపు కాదూ ...తొలి వలపూ

అడగాలని ఉంది... ఒకటడగాలని ఉంది..ఈ...ఈ...

ఎంతగా చలి వేస్తుంటే...అంతగా మనసయ్యేదేది?

ఎంతగా ... చేరదీస్తే..ఎంతగా ... చేరదీస్తే..

అంతగా మురిపించేదేది?

కుంపటి...మ్మ్ హు..

దుప్పటి..ఆహ..

గొంగళి...మ్మ్ హు..

కంబళి..ఆహ..

కంబళి కాదు...కౌగిలీ

అడగాలని ఉంది అది అడగాలని ఉంది

అడగాలని ఉంది అది అడగాలని ఉంది

అడగంగానే ఇచ్చేస్తే ...అడగంగానే ఇచ్చేస్తే...

అందులో రుచి ఏముంది... అహా..హ..ఆ హ..

Posted in: టి.వి.రాజు,పి.సుశీల,బాలు,సినారె