గాయకుడు తను పాడే పాటకు వన్నె తీసుకురావడమనేది సాధారణమైన విషయం. అంటే మంచి గాయకుడు పాడిన మంచిపాట మరింత బాగుంటుంది. ఐతే ఒక గాయకుడు పాడడం వల్ల ఆపాటకు మరింత ప్రాచుర్యం లభించడమన్నది ఒక్క ఏసుదాస్ గారి విషయంలోనే జరుగుతుందేమో.. ఈ పాట తను పాడడం వలనే ఇంత ప్రచారాన్ని పొందింది అనిపిస్తుంటుంది. ఐతే దానితో పాటు శ్రావ్యమైన సంగీతం కూడా ఒక కారణం అనుకోండి. ఏదేమైనా చిన్నతనం నుండి ఇప్పటికి కూడా అప్పుడపుడు ఈ పాటలో కొన్ని లైన్స్ పాడుకుంటూనే ఉంటాను. ఇక ఇదే బాణీలో కొన్ని ప్రైవేట్ ఆల్బంస్ లో వచ్చిన అయ్యప్ప పాటలు, దుర్గాదేవి పాటలు కూడా కొన్ని చోట్ల విన్నాను. ఈ పాట వీడియో దొరకలేదు ఆడియో మాత్రమే ఉంది మీరూ మరోసారి వినండి. క్రింద ఇచ్చిన ప్లేయర్ లోడ్ అవకపోతే డైరెక్ట్ గా ఈ లింక్ కు వెళ్ళి వినండి.
చిత్రం : మేరీమాత - 1971
సంగీతం : జి.దేవరాజన్
సాహిత్యం : అనిశెట్టి
గానం : యేసుదాస్.
సాగరతీర సమీపానా.. తరగని కావ్య సుధా మధురం
కాల చరిత్రకు సంకేతం.. కరుణకు చెరగని ప్రతిరూపం.
పచ్చని వృక్షములలరారు.. బంగరు పైరులు కనరారు.. ||2||
మాయని సిరులే సమకూరూ.. వేలాంగన్నీ అను ఊరూ..
సాగరతీర సమీపానా.. తరగని కావ్య సుధా మధురం
కాల చరీత్రకు సంకేతం.. కరుణకు చెరగని ప్రతిరూపం.
విరితావులనూ వెదజల్లీ.. వీచే చల్లని చిరుగాలీ ||2||
ఆవూ దూడల ప్రేమ గని.. పాడెను మమతల చిహ్నమనీ
సాగరతీర సమీపానా.. తరగని కావ్య సుధా మధురం
కాల చరీత్రకు సంకేతం.. కరుణకు చెరగని ప్రతిరూపం.
మట్టిని నమ్మిన కర్షకులూ.. మాణిక్యాలూ పొందేరూ.. ||2||
కడలిని నమ్మిన జాలరులూ.. ఘనఫలితాలు చెందేరూ.. ||2||
సాగరతీర సమీపానా.. తరగని కావ్య సుధా మధురం
కాల చరీత్రకు సంకేతం.. కరుణకు చెరగని ప్రతిరూపం.
పాలూ తేనై కలిశారూ.. అనురాగములో దంపతులూ ||2||
తోడూనీడై మెలిగారూ.. చవిచూశారూ స్వర్గాలూ..
సాగరతీర సమీపానా.. తరగని కావ్య సుధా మధురం
కాల చరీత్రకు సంకేతం.. కరుణకు చెరగని ప్రతిరూపం.
8 comments:
Super like ! Multiple plusses :)
నేను ఇదే మొదటిసారి వినడం. చాలా బావుంది వేణు గారూ.
చాలా మంచి పాట వేణుగారు,పల్లవి చాలా నచ్చుతుంది నాకు
యేసుదాస్ గొంతులో చాలా అద్భుతంగా జాలువారుతుంది ఈ పాట,మంచి పాట సమయోచితంగా గుర్తుచేసినందుకు ధన్యవాదాలు
శ్రావ్యగారు, గీతికగారు, లతగారు, పప్పుగారు నెనర్లు.
అద్భుతం వేణు, మొదటిసారి వింటున్నాను ఈ పాటని. ఇది downloaD ఎలా చేసుకోవాలి? మీ దగ్గర రికార్డ్ ఉందా?
వేణు ఇప్పటికి ఈ పాట ఒక ఇరవైసార్లైనా వరుసగా విని ఉంటాను...చాలా చాలా నచ్చేసింది. ఏంతో ఉద్రేకంగా ఉంది...thanks for introducing this song!
జేసుదాసు చిన్నప్పుడు అమృతం తాగారో ఏంటో!
Thanks Sowmya హహహ అవును ఆయన చిన్నపుడు అమృతం తాగే ఉంటారు :)
కామెంట్ను పోస్ట్ చేయండి
పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.