శుక్రవారం, అక్టోబర్ 30, 2020

నిన్ను తలచి మైమరచా...

మేకింగ్ పరంగా టెక్నికల్ వండర్ ఫిల్మ్ విచిత్ర సోదరులు లోని ఒక అద్భుతమైన పాట నిన్ను తలచి. ఈ పాటను స్వరాభిషేకం స్టేజ్ పై బాలు గారు ఎంత అద్భుతంగా పాడారో చూడండి. ఈ పాట మొదటి సారి విన్నప్పుడు చివర్లో టేప్ పాడైందా అని అనుమానం వస్తుంది. కమల్ మాస్క్ వేస్కుని చేసిన నటనకి తగినట్లుగా బాలుగారు ఎలా పాడారో ఈ వీడియోలో చూస్తూ ఆయన మాటలలో వినవచ్చు.    
 
ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ ఈటీవీ స్వరాభిషేకం వీడియో ఇక్కడ చూడవచ్చు.  సినిమాలోని ఒరిజినల్ వీడియో ఇక్కడ చూడవచ్చు. ఈ సిరీస్ లో నేను షేర్ చేస్తున్న వీడియోలు అన్నీ యూట్యూబ్ ప్లేలిస్ట్ లో ఇక్కడ చూడవచ్చు. 

 
చిత్రం : విచిత్ర సోదరులు (1989)
సంగీతం : ఇళయరాజా
సాహిత్యం : రాజశ్రీ
గానం : బాలు

నిన్ను తలచి మైమరచా
చిత్రమే అది చిత్రమే
నిన్ను తలచి మైమరచా
చిత్రమే అది చిత్రమే
నన్ను తలచి నవ్వుకున్నా
చిత్రమే అది చిత్రమే
ఆ నింగినెన్నటికీ
ఈ భూమి చేరదనీ
నాడు తెలియదులే
ఈ నాడు తెలిసెనులే
ఓ చెలీ...

నిన్ను తలచి మైమరచా
చిత్రమే అది చిత్రమే
నన్ను తలచి నవ్వుకున్నా
చిత్రమే అది చిత్రమే 

ఆడుకుంది నాతో జాలిలేని దైవం
పొందలేక నిన్ను ఓడిపోయె జీవితం
జోరు వానలోన ఉప్పునైతి నేనే
హోరు గాలిలోన ఊకనైతి నేనే

గాలి మేడలే కట్టుకున్నా
చిత్రమే.. అది చిత్రమే..
సత్యమేదో తెలుసుకున్నా
చిత్రమే.. అది చిత్రమే..
కథ ముగిసెను కాదా..
కల చెదిరెను కాదా.. అంతే..

నిన్ను తలచి మైమరచా
చిత్రమే అది చిత్రమే
నన్ను తలచి నవ్వుకున్నా
చిత్రమే అది చిత్రమే 

కళ్ళలోన నేను కట్టుకున్న కోట
నేడు కూలిపొయే ఆశ తీరు పూట
కోరుకున్న యోగం జారుకుంది నేడు
చీకటేమో నాలో చేరుకుంది చూడు

రాసి ఉన్న తల రాత తప్పదు..
చిత్రమే.. అది చిత్రమే..
గుండె కోతలే నాకు ఇప్పుడు
చిత్రమే.. అది చిత్రమే..
కథ ముగిసెను కాదా
కల చెదిరెను కాదా..
అంతే..

నిన్ను తలచి మైమరచా
చిత్రమే అది చిత్రమే
నన్ను తలచి నవ్వుకున్నా
చిత్రమే అది చిత్రమే
ఆ నింగినెన్నటికీ
ఈ భూమి చేరదని
నాడు తెలియదులే
ఈ నాడు తెలిసెనులే.. ఓ చెలీ..
 
నిన్ను తలచి మైమరచా
చిత్రమే అది చిత్రమే
నన్ను తలచి నవ్వుకున్నా
చిత్రమే అది చిత్రమే 
  

0 comments:

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.