శుక్రవారం, అక్టోబర్ 02, 2020

నా పేరు బికారి...

శ్రీ రాజేశ్వరి విలాస్ కాఫీ క్లబ్ చిత్రం కోసం బాలు గారు అద్భుతంగా గానం చేసిన ఓ చక్కని పాటను ఈ రోజు తలచుకుందాం. ఈ పాటలో హార్మోనియం వాయించిన వారు మ్యూజిక్ డైరెక్టర్ మాస్టర్ వేణుగారట. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ ఈటీవీ స్వరాభిషేకం వీడియో ఇక్కడ చూడవచ్చు. ఒరిజినల్ సినిమా వీడియో ఇక్కడ చూడవచ్చు. ఈ సిరీస్ లో నేను షేర్ చేస్తున్న వీడియోలు అన్నీ యూట్యూబ్ ప్లేలిస్ట్ లో ఇక్కడ చూడవచ్చు. 


చిత్రం : శ్రీ రాజేశ్వరి విలాస్ కాఫీ క్లబ్ (1976)
సంగీతం : పెండ్యాల
సాహిత్యం : దేవులపల్లి
గానం : బాలు

నా పేరు బికారి నా దారి ఎడారి..
మనసైన చోట మజిలీ..
కాదన్న చాలు బదిలీ..
నా దారి ఎడారి నా పేరు బికారి 
నా దారి ఎడారి నా పేరు బికారి

తోటకు తోబుట్టువును ఏటికి నే బిడ్డను
పాట నాకు సైదోడు పక్షి నాకు తోడు

విసుగు రాదు ఖుషీ పోదు వేసట లేనే లేదు
విసుగు రాదు ఖుషీ పోదు వేసట లేనే లేదు
అసలు నా మరోపేరు ఆనంద విహారి 

నా దారి ఎడారి నా పేరు బికారి 
నా దారి ఎడారి నా పేరు బికారి

మేలుకొని కలలుగని మేఘాల మేడపై
మెరుపుతీగలాంటి నా ప్రేయసినూహించుకొని

ఇంద్రధనసు పల్లకీ ఎక్కి కలుసుకోవాలని
ఆ.... ఆ...... ఆ..... ఆ.....
ఇంద్రధనసు పల్లకీ ఎక్కి కలుసుకోవాలని
ఆకాశవీధిలో పయనించు బాటసారి 

నా దారి ఎడారి నా పేరు బికారి 
నా దారి ఎడారి నా పేరు బికారి

కూటికి నే పేదను గుణములలో పెద్దను
కూటికి నే పేదను గుణములలో పెద్దను
సంకల్పం నాకు ధనము సాహసమే నాకు బలం

ఏనాటికో ఈ గరీబు కాకపోడు నవాబు
ఏనాటికో ఈ గరీబు కాకపోడు నవాబు
అంతవరకు నేనొక నిరంతర సంచారి 

నా దారి ఎడారి నా పేరు బికారి
నా పేరు బికారి నా దారి ఎడారి
 

2 comments:

Can we have this in this series
https://www.youtube.com/watch?v=rPPW8c5H14w

తప్పకుండా ప్రదీప్ గారూ త్వరలో పబ్లిష్ చేస్తాను. థ్యాంక్స్ ఫర్ ద కామెంట్.

కామెంట్‌ను పోస్ట్ చేయండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.