ఓ ప్రేమ హృదయ వీణ...

దేవీపుత్రుడు చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : దేవీపుత్రుడు (2001)

సంగీతం : మణిశర్మ     

సాహిత్యం : జొన్నవిత్తుల  

గానం : బాలు, ప్రసన్న 

ఓ ప్రేమ హృదయ వీణ 

నీవమ్మా.. ప్రాణమా

ఓ ప్రేమ నుదుటి మీద 

కావమ్మా.. కుంకుమ 

పుసుపు పూల వెన్నెల

పసిడి హంస కన్నెలా

చేరుమా చైత్రమా స్నేహమా

ఓ ప్రేమ హృదయ వీణ 

నీవమ్మా.. ప్రాణమా

అసలెందుకే ఆ అమృతమే

అనురాగముతో నువు నవ్వితే

రతిసుందరిలా దరిచేరితే

చెలరేగిపోయే యవ్వనమే

మన కోరికతో మాటాడితే

కొసచూపులతో తాకితే

మేను మేను ఆని తేలి సోలిపోనీ

ఏది ఏమి కానీ ఏకమవ్వనీ

రా మరి నా చెలి... 

ఓ ప్రేమ హృదయ వీణ 

నీవమ్మా.. ప్రాణమా..

శహనాయి మోగే కోవెలలో

శశికాంతులతో నను చేరుకో

గృహదేవతవై ఒడిచేర్చుకో

రతనాలు పండే నీ జతలో

సుఖశాంతులతో శ్రుతి చేసుకో

ప్రియలాహిరిలో ఏలుకో

లోకమందు లేని హాయి అందుకోని

కోటి జన్మలన్నీ తోడు ఉండనీ

రా మరి నా చెలి...

ఓ ప్రేమ హృదయ వీణ 

నీవమ్మా.. ప్రాణమా

ఓ ప్రేమ నుదుటి మీద 

కావమ్మా.. కుంకుమ 

పుసుపు పూల వెన్నెల

పసిడి హంస కన్నెలా

చేరుమా చైత్రమా స్నేహమా 

 

 

Posted in: జొన్నవిత్తుల,ప్రసన్న,బాలు,మణిశర్మ