బుధవారం, సెప్టెంబర్ 02, 2020

చెలియా చెలియా...

ఖుషి సినిమాలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. 


చిత్రం : ఖుషి (2001)
సంగీతం : మణిశర్మ  
సాహిత్యం : ఏ.ఎం.రత్నం 
గానం : శ్రీనివాస్, హరిణి 

చెలియా చెలియా చిరు కోపమా
చాలయ్యా చాలయ్యా పరిహాసము
కోపాలు తాపాలు మనకేల 
సరదాగా కాలాన్ని గడపాలా
సలహాలు కలహాలు మనకేల 
ప్రేమంటే పదిలంగా వుండాలా
చెలియా చెలియా చిరు కోపమా
చాలయ్యా చాలయ్యా పరిహాసము

రెమ్మల్లో మొగ్గ నే పూయను పొమ్మంటే 
గాలి తాకంగా పూచెనులే
ఐతే గాలే గెలిచిందననా 
లేక పువ్వే ఓడిందననా
రాళ్ళల్లో శిల్పం లో లోపల దాగున్నా 
ఉలి తాకంగా వెలిసెనులే
ఐతే ఉలియే గెలిచిందననా 
లేక శిల్పం ఓడిందననా
ఈ వివరం తెలిపేది ఎవరంటా 
వ్యవహారం తీర్చేది ఎవరంటా
కళ్ళల్లో కదిలేటి కలలంటా 
ఊహల్లో ఊగేటి ఊసంటా

చెలియా చెలియా చిరు కోపమా

నీలి మేఘాలు చిరుగాలిని డీకొంటే 
మబ్బు వానల్లే మారునులే
దీన్ని గొడవెననుకోమననా 
లేక నైజం అనుకోనా
మౌనరాగాలు రెండు కళ్ళని డీకొంటే 
ప్రేమ వాగల్లే పొంగునులే
దీన్ని ప్రళయం అనుకోమననా 
లేక ప్రణయం అనుకోనా
ఈ వివరం తెలిపేది ఎవరంటా 
వ్యవహారం తీర్చేది ఎవరంటా
అధరాలు చెప్పేటి కథలంటా 
హృదయంలో మెదిలేటి వలపంటా

చెలియా చెలియా చిరు కోపమా
చాలయ్యా చాలయ్యా పరిహాసము 
 

 

0 comments:

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.