తొలివలపే తీయనిది...

కొన్ని ఎవర్ గ్రీన్ సాంగ్స్ ఉంటాయ్ ఎవరు ఎన్ని రకాలుగా అరిచి సాగదీసి రీమిక్స్ చేసినా ఒరిజినల్ పాట విన్నప్పటి ఆనందం దానికి మాత్రమే సొంతం. అలాంటి ఓ అందమైన పాట ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : నీడలేని ఆడది (1974)
సంగీతం : సత్యం
సాహిత్యం : సినారె
గానం : బాలు, సుశీల

తొలి వలపే.. తొలి వలపే
తియ్యనిదీ.. తియ్యనిదీ

మదిలో ఎన్నడు మాయనిది

తొలి వలపే తియ్యనిదీ
మదిలో ఎన్నడు మాయనిది
నీ కొరకే దాచినదీ వేరెవరూ దోచనిదీ
 

తొలి వలపే తియ్యనిదీ
మదిలో ఎన్నడు మాయనిది
 

పొగరూ సొగసూ గల చిన్నది
బిగి కౌగిలిలో ఒదిగున్నది
పొగరూ.. సొగసూ.. గల చిన్నది
బిగి కౌగిలిలో ఒదిగున్నది
ఈ విసురూ ఎక్కడిదీ

నీ జతలోనే నేర్చినదీ

తొలివలపే తియ్యనిదీ 

మదిలో ఎన్నడు మాయనిది

కనులూ కలలూ కలబోయనీ
నీలో సగమై పెనవేయనీ
కనులూ కలలూ కలబోయనీ
నీలో సగమై పెనవేయనీ

కలకాలం ఈ ప్రణయం
నిలవాలీ మనకోసం

తొలివలపే తియ్యనిదీ

మదిలో ఎన్నడు మాయనిదీ

వలచే హృదయం విలువైనది
కలిసే బంధం విడిపోనిదీ 

అనురాగం కొనలేనిదీ
అది ఒకటే మన పెన్నిధీ
 

తొలివలపే తియ్యనిదీ
మదిలో ఎన్నడు మాయనిదీ 

Posted in: పి.సుశీల,బాలు,సత్యం,సినారె