శుక్రవారం, ఏప్రిల్ 15, 2016

జగమే రామమయం...

మిత్రులకు శ్రీరామనవమి శుభాకాంక్షలు. కథానాయికమొల్ల చిత్రంలోని ఓ చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా డౌన్లోడ్ చేస్కోవచ్చు. 


చిత్రం : కథానాయిక మొల్ల
సంగీతం : ఎస్.పి.కోదండపాణి 
సాహిత్యం : సి.నారాయణరెడ్డి
గానం : పి.సుశీల

రఘుకుల తిలకా నీ ఆనతి
రచియించితి రామాయణ సత్కృతీ
ఆకృతి వరియించినా పతివి నీవే
అతులిత కైవల్య గతివి నీవే!...

జగమే రామమయం ! 
మనసే అగణిత తారక నామ మయం 
జగమే రామమయం ! 
మనసే అగణిత తారక నామ మయం
జగమే రామమయం ! 

నీల జలద రమణీయ రూపం
నిగమాంచల మందిర మణిదీపం
నీల జలద రమణీయ రూపం
నిగమాంచల మందిర మణిదీపం
 
సుందర జానకీ వందిత చరణం
సుందర జానకీ వందిత చరణం
సురముని శరణం! భవతాప హరణం 
జగమే రామమయం ! 
మనసే అగణిత తారక నామ మయం
జగమే రామమయం ! 

ఆ చిరునవ్వే అమృతపు జల్లు  
ఆ చిరునవ్వే అమృతపు జల్లు 
అఖిల జగములేలు ఆచేతి విల్లు
అఖిల జగములేలు ఆచేతి విల్లు
అతని గానమున అలరారుకావ్యం
అన్ని యుగాలకు నవ్య్యాతి నవ్యం

జగమే రామమయం !


ఎవని కమల కమనీయ పదము 
చూపించె అహల్యకు ముక్తి పదము!
రామ్ రామ్ రామ్ రామ్ 
ఎవని చంద్రిక మృదుల కరము 
అందించెను శబరికి దివ్యవరము
రామ్ రామ్ రామ్ రామ్  

ఎవని ఏలుబడి ఇంటికొక్క గుడి నిలిపెనూ
ఎవని రాజ్యమే రామరాజ్యమై వెలసెనూ
ఆ రాముడు నా అంతరంగమున నిండగా
అహము మరచి, ఈ యిహము మరచి
జన్మాంతర బంధములెల్ల విడిచి
ఆ మహర్జ్యోతిలో లీనము కానా
రామ్ రామ్
ఆ మహా ప్రభునిలో ఐక్యము కానా రామ్ రామ్

ఓ రామా! రఘురామా! కైవల్య రామా!
రామ్ రామ్ రామ్ రామ్ 
రామ్ రామ్ రామ్ రామ్ 
రామ్ రామ్ రామ్ రామ్ 




2 comments:

ఈ వ్యాఖ్యను రచయిత తీసివేశారు.



జగమే రామమయం యని
గగనపు వీధిన జిలేబి గానము జేసెన్
నిగమాగమ సారమును గ
నగ నిటు పద్యపు సరిగమ నాదము జేర్చెన్ !

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail