శుక్రవారం, జులై 31, 2015

గుండెల్లో గోదారీ...

పన్నెండు రోజులు జరిగే పుష్కరాలు ఆర్రోజుల క్రితమే అయిపోతే మనం ఈ బ్లాగులో నెలరోజుల పాటు జరుపుకున్న గోదావరి పాటల పండుగ నేటితో ముగిసిపోనుంది. ఇన్ని రోజులు జరిగిన సంబరాలనీ సంతోషాలనీ  ఈ చివరి రోజు గుండె నిండుగా నింపుకుని ఇళయరాజా గారి సాయంతో ఈ చక్కని పాట రూపంలో పాడుకుందామా. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. 


చిత్రం : గుండెల్లొగోదారి
సంగీతం : ఇళయరాజా
సాహిత్యం : చంద్రబోస్
గానం : ఇళయరాజా

ఏ.హే...తయ్యారె తయ్యారె తయ్య 
తయ్యారె తయ్యారె తయ్యా
హొయ్యా హొయ్యా.. హొయ్య హొయ్యా.. 
హొయ్యా హొయ్యా.. హొయ్య హొయ్యా..
హేఏ.. హేహే.. హేహే.. హేహే.. హే...

గుండెల్లో గోదారీ పొంగి పొరలుతోందీ
గోదారే రాదారై నన్ను నడుపుతోందీ..
గురువులిక తెలపని పాఠాలే తెలిపినవి అలలే..
వరములకు దొరకని భాగ్యాలే వెదికినవి వలలే..

ఏ హైలెస్సో హైలెస్సొ లెస్సొ హైలెస్సో హైలెస్సొ లెస్సొ 
హైలెస్సో హైలెస్సొ హైలెస్సో 
ఏ హైలెస్సో హైలెస్సొ లెస్సొ హైలెస్సో హైలెస్సొ లెస్సొ 
హైలెస్సో హైలెస్సొ హైలెస్సో

ఆ గుండెల్లో గోదారీ పొంగి పొరలుతోందీ..
గోదారే రాదారై నన్ను నడుపుతోందీ..

అడుగడుగు అలజడులు సుడులు తిరుగు ఒడిలో..
అలసట వెనుతిరుగుట వినబడని వరద బడిలో..
అడుగడుగు అలజడులు సుడులు తిరుగు ఒడిలో..
అలసట వెనుతిరుగుట వినబడని వరద బడిలో..
తరగలుగ పెరిగెను తెగువే పడుచు వరవడిలో..
నురగలుగ కరిగెను దిగులే ఉరుకు ఉరవడిలో..
పౌరుషం పడవలా సాగువేళలో సాహసాలలో..

గుండెల్లో గోదారీ పొంగి పొరలుతోందీ..
గోదారే రాదారై నన్ను నడుపుతోందీ..

హొయ్యారే..హొయ్యర హొయ్యా.. హొయ్యర హొయ్యారే..
ఒయ్యారే..ఒయ్యర ఒయ్యా.. ఒయ్యర ఒయ్యారే..
హొయ్యారే..హొయ్యర హొయ్యా.. హొయ్యర హొయ్యారే..
ఒయ్యారే..ఒయ్యర ఒయ్యా.. ఒయ్యర ఒయ్యారే..

ఏసెయ్యి ఏసెయ్యి ఏసెయ్యి ఏసెయ్యి
వంజరం వాలుగా వంజరం వాలుగా
బురదకొయ్య మట్టగిడస ఇలస సందువ
బురదకొయ్య మట్టగిడస ఇలస సందువ
పట్టెయ్యి పట్టెయ్యి చేపనే వడుపుగా..
ఏ తందాన తందాన తందనా తాననా
ఏటిలోన సాగిపోని బతుకే ఏటగా..
తందాన తందాన తందనా తాననా

ఎదురెవరూ అదుపెవరూ ఎగుడు దిగుడు కతలో
పులసలా ఎదురీదుతూ ఎగసెగసి పడిన నదిలో
ఎదురెవరూ అదుపెవరూ ఎగుడు దిగుడు కథలో
పులసలా ఎదురీదుతూ ఎగసెగసి పడిన నదిలో
గలగలల గీతం నాదే గెలుపు రాగంలో..
జలజలల సైన్యం నాదే చిలిపి రాజ్యంలో..
రాజునే నేనుగా నీటి కోటలో గాలి వాటులో..

గుండెల్లో గోదారీ పొంగి పొరలుతోందీ..
గోదారే రాదారై నన్ను నడుపుతోందీ..
గురువులిక తెలపని పాఠాలే తెలిపినవి అలలే..
వరములకు దొరకని భాగ్యాలే వెదికినవి వలలే..

ఏ హైలెస్సో హైలెస్సొ లెస్సొ హైలెస్సో హైలెస్సొ లెస్సొ 
హైలెస్సో హైలెస్సొ హైలెస్సో 
హైలెస్సో హైలెస్సొ లెస్సొ హైలెస్సో హైలెస్సొ లెస్సొ 
హైలెస్సో హైలెస్సొ హైలెస్సో

ఆ గుండెల్లో గోదారీ పొంగి పొరలుతోందీ..
గోదారే రాదారై నన్ను నడుపుతోందీ.

2 comments:

ఆది పుష్కరాలు పన్నెండు రోజులే ఐనా..ఈ నెల రోజులూ గోదారమ్మ పాటలలో మమ్మల్ని ముంచి తేల్చారు..గోదారిపై మాకున్న ప్రేమని, మీ పాటల్లో వెతుక్కుంటూ మా మాటల్లో పంచుకునే అవకాశం కల్పించారు..చాలా సంతోషంగా ఉంది వేణూజీ..ధాంక్యూ సో మచ్..

రెగ్యులర్ గా ఫాలో అవుతూ క్రమం తప్పకుండా కామెంట్స్ పెట్టి ప్రోత్సహించినందుకు మీకే స్పెషల్ థాంక్స్ శాంతి గారూ..

కామెంట్‌ను పోస్ట్ చేయండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.