తెలుగు జాతి మనది...

విశాలాంధ్రను అభిలషిస్తూ రూపొందించిన ఓ చక్కని నృత్యరూపకాన్ని ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : తల్లా పెళ్ళామా (1970)

సంగీతం : టి.వి.రాజు    

సాహిత్యం : సి.నారాయణరెడ్డి     

గానం : ఘంటసాల

తెలుగు జాతి మనది

నిండుగ వెలుగు జాతి మనది

తెలంగాణ నాది

రాయలసీమ నాది

సర్కారు నాది

నెల్లూరు నాది

అన్నీ కలసిన తెలుగునాడు

మనదే మనదే మనదేరా

తెలుగు జాతి మనది

నిండుగ వెలుగు జాతి మనది

ప్రాంతాలు వేరైనా

మన అంతరంగ మొకటేనన్న

యాసలు వేరుగవున్న

మన భాష తెలుగు భాషన్న

వచ్చిండన్న వచ్చాడన్న

వచ్చిండన్న వచ్చాడన్న

వరాల తెలుగు ఒకటేనన్న

తెలుగు జాతి మనది

నిండుగ వెలుగు జాతి మనది

మహాభారతం పుట్టింది రాణ్మహేంద్రవరంలో

భాగవతం వెలిసింది ఏకశిలా నగరంలో

ఈ రెంటిలోన ఏది కాదన్న

ఈ రెంటిలోన ఏది కాదన్న

ఇన్నాళ్ళ సంస్కృతీ నిండు సున్న

తెలుగు జాతి మనది

నిండుగ వెలుగు జాతి మనది

పోచంపాడు ఎవరిది

నాగార్జునసాగరమెవరిది

పోచంపాడు ఎవరిది

నాగార్జునసాగరమెవరిది

 మూడు కొండ్రలూ కలిపి దున్నిన

ముక్కారు పంటలు బండ్లకెత్తిన

అన్నపూర్ణమ్మ కన్నబిడ్డలూ

ఐదుకోట్ల తెలుగువారిది.

తెలుగు జాతి మనది

నిండుగ వెలుగు జాతి మనది

సిపాయి కలహం విజృంభించ

నరసింహాలై గర్జించాము

స్వతంత్ర భారత్‌కి జై

గాంధి నెహ్రూల పిలుపులందుకొని

సత్యాగ్రహాలు చేశాము

వందేమాతరం వందేమాతరం

స్వరాజ్యసిద్ధి జరిగిన పిమ్మట

స్వరాష్ట్రమును సాధించాము

జై విశాలాంధ్ర

దేశభక్తిలో తెలుగువారికి

ధీటే లేదనిపించాము

తెలుగు జాతి మనది

నిండుగ వెలుగు జాతి మనది

ఇంటిలోన అరమరికలు వుంటె

ఇల్లెక్కి చాటాలా

కంటిలో నలక తీయాలంటె

కనుగ్రుడ్డు పెరికి వేయాలా

పాలు పొంగు మన తెలుగు గడ్డను

పగలగొట్టవద్దు

పాలు పొంగు మన తెలుగు గడ్డను

పగలగొట్టవద్దు

నలుగురిలో మన జాతి పేరును

నవ్వులపాలు చెయ్యొద్దు

తెలుగు జాతి మనది

నిండుగ వెలుగు జాతి మనది

తెలంగాణ మనది

రాయలసీమ మనది

సర్కారు మనది

నెల్లూరు మనది

అన్నీ కలసిన తెలుగునాడు

మనదే మనదే మనదేరా

తెలుగు జాతి మనది

నిండుగ వెలుగు జాతి మనది 

Posted in: ఘంటసాల,టి.వి.రాజు,సినారె