శనివారం, జూన్ 30, 2018

అడిగిందానికి చెప్పి...

ఇల్లరికం చిత్రంలోని ఒక సరదా నృత్యరూపకాన్ని ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం :  ఇల్లరికం (1959)
సంగీతం :  టి. చలపతిరావు
గీతరచయిత :  కొసరాజు
నేపధ్య గానం :  ఘంటసాల, సుశీల

అడిగిందానికి చెప్పి... ఎదురాడక ప్రశ్నను విప్పి
నిల్చెదవా గెల్చెదవా... ఓహో చిన్నదానా

అడిగిందానికి చెబుతా... ఎంతైనా పందెం గడతా
నిల్చెదనోయి గెల్చెదనోయి... ఓహో చిన్నవాడా


ఒంటికాలిపై నుండి హఠయోగ ముద్రలోనుండి
ఒంటికాలిపై నుండి హఠయోగ ముద్రలోనుండి
గుట్టుగ తన పని సాధించునది... వివరిస్తావా ఏదది?

అడిగిందానికి చెప్పి... ఎదురాడక ప్రశ్నను విప్పి
నిల్చెదవా గెల్చెదవా... ఓహో చిన్నదానా

ముక్కు మూరెడే యౌను అది కొక్కొకొమని గొణిగేను
ముక్కు మూరెడే యౌను అది కొక్కొకొమని గొణిగేను
కొంగ జపమని ప్రసిద్ధియేను.. ముందుకు వచ్చి కాదను

అడిగిందానికి చెబుతాం ఎంతైనా పందెం గడతాం
నిల్చెదమోయ్‌ గెల్చెదమోయ్‌ ఓహో చిన్నవాడా

 
వాయు వేగమున మించి లోకాలన్నీ గాలించి
వాయు వేగమున మించి లోకాలన్నీ గాలించి
గడియలోననే ఉన్న చోటకే వడిగా చేరేదేదది
అడిగిందానికి చెప్పి ఎదురాడక ప్రశ్నను విప్పి
నిల్చెదవా గెల్చెదవా ఓహో చిన్నదానా

రాకెట్టని అనుకోను అది స్పూత్నిక్కని అనలేను
రాకెట్టని అనుకోను అది స్పూత్నిక్కని అనలేను
ముమ్మాటికి అది మనసేను ఇక.. ముందుకు వచ్చి కాదను

అడిగిందానికి చెబుతాం ఎంతైనా పందెం గడతాం
నిల్చెదమోయ్‌ గెల్చెదమోయ్‌ ఓహో చిన్నవాడా


దానమిచ్చి చెడె నెవ్వడు

కర్ణుడు... కర్ణుడు

తప్పు తప్పు బలి చక్రవర్తి

హేయ్‌ బలిచక్రవర్తి

జూదానికి నిపుణుండెవ్వడు

ధర్మజుడు... ధర్మజుడు

తప్పు తప్పు శకుని.. హేయ్‌ శకుని

అన్నదమ్ముల పోరాటంలో
సందు చూచుకుని కూల్చిందెవడు

భీముడు... భీముడు

తప్పు తప్పు రాముడు

హేయ్‌ రాముడు..
శ్రీరాముడు.. శ్రీ రాముడు 


2 comments:

ఇలాంటి సరదా పాటలు పిల్లలకి ఇన్ ఫర్మేటివ్ గా కూడా ఉంటాయి..

అవును శాంతిగారు సరదా క్విజ్ లు కదా.. థాంక్స్ ఫర్ ద కామెంట్..

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.