ఆదివారం, జూన్ 17, 2018

మొక్కజొన్న తోటలో...

మనసైన బంగరి మావను వద్దకు రారమ్మని కబురు పెడుతూ వాడికి ఈ చిన్నది ఎన్ని జాగ్రత్తలు చెప్తుందో మనమూ విందామా. అదృష్టవంతులు చిత్రంలోని ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : అదృష్టవంతులు (1969)
సంగీతం : కె.వి.మహదేవన్  
సాహిత్యం : కొనకళ్ళ వెంకటరత్నం  
గానం : సుశీల

మొక్కజొన్న తోటలో ముసిరిన చీకట్లలో
మంచెకాడ కలుసుకో మరువకు మామయ్యా
నువ్వు మరువకు మరువకు మామయ్యా

మొక్కజొన్న తోటలో ముసిరిన చీకట్లలో
మంచెకాడ కలుసుకో మరువకు మామయ్యా
నువ్వు మరువకు మరువకు మామయ్యా

చుక్కలన్ని కొండమీద సోకు చేసుకునే వేళ
చల్లగాలి తోటకంత చక్కలిగిలి పెట్టు వేళ
చుక్కలన్ని కొండమీద సోకు చేసుకునే వేళ
చల్లగాలి తోటకంత చక్కలిగిలి పెట్టు వేళ
పొద్దు వాలినంతనే సద్దుమణగనిచ్చిరా
పొద్దు వాలినంతనే సద్దుమణగనిచ్చిరా
వేళదాటి వస్తివా వెనక్కి తిరిగిపోతివా
తంటా మన ఇద్దరికీ తప్పదు మామయ్యా
తప్పదు తప్పదు మామయ్యా 

మొక్కజొన్న తోటలో ముసిరిన చీకట్లలో
మంచెకాడ కలుసుకో మరువకు మామయ్యా
నువ్వు మరువకు మరువకు మామయ్యా

మొన్నరేతిరి జాతరలో కన్ను గీటినపుడు
వంగతోట మలుపు కాడ కొంగు లాగినపుడు
ఆ... ఓ... ఊఁ...
మొన్నరేతిరి జాతరలో కన్ను గీటినపుడు
వంగతోట మలుపు కాడ కొంగు లాగినపుడు
కసిరి తిట్టినానని ఇసిరి కొట్టినానని
కసిరి తిట్టినానని ఇసిరి కొట్టినానని
నలుగురిలో చిన్నబోయి నవ్వులపాలైతివా
తంటా మన ఇద్దరికీ తప్పదు మామయ్యా
తప్పదు తప్పదు మామయ్యా 

మొక్కజొన్న తోటలో ముసిరిన చీకట్లలో
మంచెకాడ కలుసుకో మరువకు మామయ్యా
నువ్వు మరువకు మరువకు మామయ్యా

గడ్డిబళ్ళ ఎనకాతల గమ్మత్తుగ నక్కిరా
ఊర చెఱువు రెల్లు పక్క వొంగి వొంగి నడిచిరా
గడ్డిబళ్ళ ఎనకాతల గమ్మత్తుగ నక్కిరా
ఊర చెఱువు రెల్లు పక్క వొంగి వొంగి నడిచిరా
అయిన వాళ్ళ కళ్ళబడకు అల్లరి పాలవుతాను
అయిన వాళ్ళ కళ్ళబడకు అల్లరి పాలవుతాను
గుట్టు బయట బెడితివా గోలగాని జేస్తివా
తంటా మన ఇద్దరికీ తప్పదు మామయ్యా
తప్పదు తప్పదు మామయ్యా 


2 comments:

చిన్నప్పుడు జానపదం డాన్స్ కంపిటీషన్స్ లో ఈ పాటని కనీసం ఐదారుగురేనా చేస్తుండేవారు..

ఓహ్ అవునా.. ఇంట్రెస్టింగ్ అండి.. థాంక్స్ ఫర్ ద కామెంట్ శాంతి గారు.

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.