మంగళవారం, జూన్ 19, 2018

ఔనంటారా మీరు కాదంటారా...

లోకం పోకడలను యువతరం తీరును ఎండగట్టి, స్వతంత్ర భారతంలో ప్రజలెలా మెలగాలో తెలియజేసే ఈ చక్కని నృత్యరూపకం మాంగళ్యబలం చిత్రంలోనిది. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : మాంగళ్యబలం (1959)
సంగీతం : మాస్టర్ వేణు  
సాహిత్యం : కొసరాజు   
గానం : పి.లీల, సుశీల

ఔనంటారా మీరు కాదంటారా
ఔనంటారా మీరు కాదంటారా
ఏమంటారు వట్టి వాదంటారా
పేరుకు మాత్రం మీరు పెద్దమనుషులంటారు
ఔనంటారా మీరు కాదంటారా
ఔనంటారా మీరు కాదంటారా

ముత్తాతల అర్జనతోటి మొనగాళ్ళుగ పోజులు వేసి
ముత్తాతల అర్జనతోటి మొనగాళ్ళుగ పోజులు వేసి
సూటు బూటు నీటుగ తొడిగి సొత్తంతా క్షవరంచేసి
కష్టం తెలియక గాలికి తిరిగే కబుర్ల రాయుళ్ళున్నారంటే


ఔనంటారా మీరు కాదంటారా
ఔనంటారా మీరు కాదంటారా

ఎంతెంతో ఆశ్రయించి నయమ్ముగ జనులను మురిపించి
ఎంతెంతో ఆశ్రయించి నయమ్ముగ జనులను మురిపించి
బలే బలే పదవుల సాధించి హుషారుగ పైసా గడియించి
ప్రజలంటే మరచి తమ స్వార్థంచూచే 
ప్రజావంచకులు వున్నారంటే

ఔనంటారా మీరు కాదంటారా
ఔనంటారా మీరు కాదంటారా

ఎన్నెన్నో ఆశలతోటి ఉన్న ఆస్థి బేరంపెట్టి
ఎన్నెన్నో ఆశలతోటి ఉన్న ఆస్థి బేరంపెట్టి
తలిదండ్రులు పంపబట్టి సరదాగా సిగరెట్ పట్టి
కాఫీ హోటల్ ఖాతాబెడుతూ 
చదువుకు సున్నా చుడతారంటే

ఔనంటారా మీరు కాదంటారా
ఔనంటారా మీరు కాదంటారా

డాబైన వేషమేసి పసందుగ టీపార్టీల్ చేసి
డాబైన వేషమేసి పసందుగ టీపార్టీల్ చేసి
పైవాళ్ళను జేబులోన వేసి ప్రజాధనమంతా భోంచేసి
మోసాలు చేసి జగమంత రోసి 
పెనుముద్రపడ్డ ఘనులున్నారంటే

ఔనంటారా మీరు కాదంటారా
ఔనంటారా మీరు కాదంటారా

త్యాగం చేసి సంపాదించిన
స్వతంత్ర ఫలితం పొందాలంటే
జనసామాన్యం సమానమ్ముగ
సౌఖ్యంతో తులతూగాలంటే
స్వలాభాన్ని విడనాలండి
జాతికి ప్రాణం పోయాలండి
దీక్షబట్టి పని చెయ్యాలండి
దేశ గౌరవం పెంచాలండి


ఔనంటారా మీరు కాదంటారా
ఔనంటారా మీరు కాదంటారా  


2 comments:

ఔననే అంటాము..

ఇప్పటికీ అవుననే అనాల్సి వస్తుందండీ.. థాంక్స్ ఫర్ ద కామెంట్ శాంతి గారు..

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.