ఏదో తెలియని బంధమిది

ఒకప్పటి గీత రచయితలు డబ్బింగ్ పాటలలో కూడా అందమైన తెలుగు పదాలు ఉపయోగించి అద్భుతంగా రాసేవారు, ఇళయరాజా, మణిరత్నం అలా రాయించుకునే వారు కానీ ఈ మధ్య పాటలలో లిప్ సింక్ అండ్ ట్యూన్ పై తప్ప తెలుగు మాటల గురించి పెద్దగా ఆలోచిస్తున్నట్లుగా కనిపించట్లేదు. నాయకుడు లోని ఈ పాట చూడండి, విన్నవాళ్ళెవరికైనా ఇది ఒక డబ్బింగ్ గీతమని అనిపించనే అనిపించదు. ఇళయరాజా గారి సంగీతంలో వచ్చిన మరో మేలిముత్యం ఇది, మీరూ ఆస్వాదించండి. ఈ పాట ఆడియో మాత్రమే వినాలనుకుంటే ఇక్కడ వినవచ్చు.

చిత్రం: నాయకుడు (1987)

సంగీతం: ఇళయరాజా

సాహిత్యం : వెన్నెలకంటి / రాజశ్రీ ?

గానం: బాలు, శైలజ

ఏదో తెలియని బంధమిది

ఏదో తెలియని బంధమిది

ఎదలో ఒదిగే రాగమిది..ఈ..ఈ..

ఏదో తెలియని బంధమిది

ఎదలో ఒదిగే రాగమిది..ఈ..ఈ..

ఏదో తెలియని బంధమిది

పూజకు నోచని పువ్వును కోరి

వలచిన స్వామివి నువ్వేలే...

రూపం లేని అనురాగానికి

ఊపిరి నీ చిరు నవ్వేలే...

కోవెల లేనీ....

కోవెల లేని దేవుడవు...

గుండెల గుడిలో వెలిశావు...ఊ..

పలికే జీవన సంగీతానికి

వలపుల స్వరమై ఒదిగావు...

తనువూ మనసూ ఇక నీవే...

ఏదో తెలియని బంధమిది

ఏదో తెలియని బంధమిది

ఎదలో ఒదిగే రాగమిది..ఈ..ఈ..

ఏదో తెలియని బంధమిది

వేసవి దారుల వేసటలోన

వెన్నెల తోడై కలిశావు...

పూచే మల్లెల తీగకు నేడు

పందిరి నీవై నిలిచావు...

ఆశలు రాలే...ఏ..ఏ

ఆశలు రాలే శిశిరంలో...ఓ..

ఆమని నీవై వెలిశావు...ఊ..

ఆలుమగల అద్వైతానికి

అర్థం నీవై నిలిచావు...

తనువూ మనసూ ఇక నీవే...ఏ..ఏ

ఏదో తెలియని బంధమిది

ఏదో తెలియని బంధమిది

ఎదలో ఒదిగే రాగమిది..ఈ..ఈ..

ఏదో తెలియని బంధమిది హా..ఆ..

Posted in: 70's-90's పాటలు,ఇళయరాజా,బాలు,మణిరత్నం,వెన్నెలకంటి,శైలజ