నాలో ఊహలకు / నాలో నేనేనా..

నిన్న తొంభైలలో పాటలు విన్నారు కదా ఇంకో ఇరవై ఏళ్ళు ముందుకు వస్తే ప్రస్తుత కాలంలో వస్తున్న పాటలలో ఈ రెండు పాటలూ చాలా బాగుంటాయ్. ప్రామిసింగ్ మ్యూజిక్ డైరెక్టర్స్ లో ఒకరైన కె.ఎమ్.రాధాకృష్ణ స్వరకల్పనలో వచ్చిన ఈ పాటకు ఆషా భోంస్లే స్వరం ప్లస్ తన ఉచ్చారణే ఒక సొగసును అద్దాయి అనిపిస్తుంది. తెలుగు భాషాప్రేమికులకు ఈ మాటలు మింగుడు పడకపోవచ్చు కానీ కాజల్ కు ఈ వైవిధ్యమైన స్వరంతో ఇలా పాడడం చాలా చక్కగా సూట్ అయిందని నా అభిప్రాయం. ఈపాట చిత్రీకరణ కూడా కృష్ణవంశీ శైలిలో చాలాబాగుంటుంది మీరూ ఆస్వాదించండి. ఈ పాట ఆడియో మాత్రమే వినాలంటే ఇక్కడ వినవచ్చు.

చిత్రం : చందమామ (2007)
సంగీతం : కె.ఎం. రాధాకృష్ణన్ 

సాహిత్యం : అనంత శ్రీరామ్ 

గానం : ఆషా భోంస్లే, కె.ఎం. రాధాకృష్ణన్

ధీం తనక ధీం తకిటతక ధీం తనక ధీం

ధీం తనక ధీం తకిటతక ధీం తనక ధీం

ధీం తనక ధీం తకిటతక ధీం తనక ధీం

తరికిటతోం తనకధీం తంగిట తరికటతక

తానిదానిదా తానిదానిదా

గమద సనిద ఆ...

ధీం తనక ధీం తకిటతక ధీం తనక ధీం

ఆ ఆ ఆ ఆ ఆ

సనిసస నినిస నిస ససనిసస నినిసస నిస

నాలో ఊహలకు నాలో ఊసులకు అడుగులు నేర్పావు

నాలో ఆశలకు నాలో కాంతులకు నడకలు నేర్పావు

పరుగులుగా ఆఆ.. పరుగులుగా అవే ఇలా

ఇవ్వాళ నిన్నే చేరాయి

నాలో ఊహలకు నాలో ఊసులకు అడుగులు నేర్పావు

ససనిపస ససనిపరి

ససనిపస ససనిపరి

ససనిపస ససనిపరి

ఆ ఆ ఆ ఆ ఆ ఆ రారెరెరాఆ..

కళ్ళలో మెరుపులే గుండెలో ఉరుములే

పెదవిలో పిడుగులే నవ్వులో వరదలే

శ్వాసలోన పెనుతుఫానే ప్రళయమౌతోందిలా ఆ ఆ

నాలో ఊహలకు నాలో ఊసులకు అడుగులు నేర్పావు

నాలో ఆశలకు నాలో కాంతులకు నడకలు నేర్పావు

ఆ ఆ ఆ ఆ ఆ

గరిగ మమగ గరిగ మమగరిసని

తరికిటతోం తరికిటతోం

తరికిటతోం తరికిటతోం

తరికిటతరికిటతోం తరికిటతరికిటతోం తరికిటతోం

ఆ ఆ ఆ ఆ రారెరెరాఅ..ఆఅ..

మౌనమే విరుగుతూ బిడియమే ఒరుగుతూ

మనసిలా మరుగుతూ అవధులే కరుగుతూ

నిన్ను చూస్తూ ఆవిరౌతూ అంతమవ్వాలనే

నాలో ఊహలకు నాలో ఊసులకు అడుగులు నేర్పావు

నాలో ఆశలకు నాలో కాంతులకు నడకలు నేర్పావు

పరుగులుగా ఆఆ... పరుగులుగా అవే ఇలా

ఇవ్వాళ నిన్నే చేరాయి

నాలో ఊహలకు నాలో ఊసులకు అడుగులు నేర్పావు

~*~*~*~*~*~*~*~*~*~*~*~*~*~*~*~*~*~*~*~*~

మణిశర్మ స్వరసారధ్యంలో అభిరుచి ఉన్న దర్శకుడు చైతన్య దర్శకత్వంలో వచ్చిన బాణం చిత్రంలోని "నాలో నేనేనా.." పాట కొత్తపాటలలో ది బెస్ట్ పాట, చాలా బాగుంటుంది. సోలో లాగా అనిపించే ఈ డ్యూయెట్ ని మీరూ ఆస్వాదించండి. ఈ పాట ఆడియో మాత్రమే వినాలంటే ఇక్కడ వినండి. ఈ పాట గురించి గతంలో సినిమా విడుదలైనపుడు నేను రాసుకున్న టపా ఇక్కడ చూడవచ్చు.

చిత్రం : బాణం(2009)
సహిత్యం : రామజోగయ్య శాస్త్రి
సంగీతం : మణి శర్మ
గానం : హేమచంద్ర , సైంధవి

నాలో నేనేనా.. ఏదో అన్నానా..
నాతో నేలేని మైమరపునా..
ఏమో అన్నానేమో.. నువ్వు విన్నావేమో..
విన్న మాటేదో నిన్నడగనా

అలా సాగిపోతున్న నాలోన
ఇదేంటిలా కొత్త ఆలోచన
మనసే నాదీ.. మాటే నీదీ..
ఇదేం.. మాయో...

నాలో నేనేనా.. ఏదో అన్నానా..
నాతో నేలేని మైమరపునా..
ఏమో అన్నానేమో.. నువ్వు విన్నావేమో..
చిన్న మాటేదో నిన్నడగనా..

ఔనూ కాదు తడబాటునీ.. 

అంతో ఇంతో గడి దాటనీ..
విడి విడి పోనీ పరదానీ.. 

పలుకై రానీ ప్రాణాన్నీ..
ఎదంతా పదాల్లోన పలికేనా..
నా మౌనమే ప్రేమ ఆలాపన..
మనసే..నాదీ.... మాటే..నీదీ..
ఇదేం.. మాయో..

నాలో నేనేనా.. ఏదో అన్నానా..
నాతో నేలేని మైమరపునా..
ఏమో అన్నానేమో.. నువ్వు విన్నావేమో..
చిన్న మాటేదో నిన్నడగనా..

దైవం వరమై దొరికిందనీ

నాలో సగమై కలిసిందనీ
మెలకువ కానీ హృదయాన్నీ 

చిగురై పోనీ శిశిరాన్నీ..
నీతో చెలిమి చేస్తున్న నిమిషాలూ..
నూరేళ్ళుగా ఎదిగిపోయాయిలా..
మనమే సాక్ష్యం... మాటే మంత్రం
ప్రేమే.. బంధం..

నాలో నేనేనా.. ఏదో అన్నానా..
నాతో నేలేని మైమరపునా..
ఏమో అన్నానేమో.. నువ్వు విన్నావేమో..
చిన్న మాటేదో నిన్నడగనా..

Posted in: అనంత శ్రీరాం,ఆషా భోంస్లే,మణిశర్మ,రామజోగయ్య శాస్త్రి,సైంధవి,హేమచంద్ర