శుక్రవారం, ఫిబ్రవరి 14, 2014

ప్రేమికుల రోజు శుభాకాంక్షలు ...

ప్రేమికుల రోజు శుభాకాంక్షలు...
గత నెలరోజులుగా బోలెడు ప్రేమ గీతాలని చూస్తూ వింటూ రోజంతా ప్రేమమయం చేసుకుంటూ ఆనందంగా గడిపాము కదా మరి ఈ రోజు ప్రేమికులరోజు సంధర్బంగా అందరికీ హృదయపూర్వక శుభాకాంక్షలు :-) ఈ ప్రత్యేకమైన రోజు తెలుగు సినీ ప్రపంచంలో మూడు తరాలకు చెందిన మూడు ప్రేమ పాటలను మీతో పంచుకుందామని తీసుకు వచ్చేశాను. 

సంతానం సినిమా కోసం ఘంటసాల గారు పాడిన ఈ "చల్లని వెన్నెలలో" పాట చాలా బాగుంటుంది, ముఖ్యంగా ప్రారంభంలో వచ్చే ఆలాపన వింటూంటే నిజ్జంగా చల్లని వెన్నెలలో తిరుగుతున్న అనుభూతిని ఇస్తుంది, సుసర్ల దక్షిణామూర్తి గారి స్వరసారధ్యంలో వచ్చిన ఈ అందమైన పాటను మీరూ ఆస్వాదించండి. ఈ పాట ఆడియో మాత్రమే వినాలంటే ఇక్కడ వినవచ్చు.



చిత్రం : సంతానం (1955)
సంగీతం : సుసర్ల దక్షిణామూర్తి 
సాహిత్యం : అనిశెట్టి 
గానం : ఘంటసాల 

ఆఆఅ..ఆఆ..ఆఆఆఆఆ...ఆఆఆఆ
చల్లని వెన్నెలలో... చల్లని వెన్నెలలో..ఓఓఓ..
చల్లని వెన్నెలలో చక్కని కన్నె సమీపములో
చల్లని వెన్నెలలో చక్కని కన్నె సమీపములో
అందమె నాలో లీనమాయెనే...
ఆనందమె నా గానమాయెనే... 
చల్లని వెన్నెలలో... 

తెలి మబ్బుల కౌగిలిలో జాబిలి తేలియాడెనే ముద్దులలో
తెలి మబ్బుల కౌగిలిలో జాబిలి తేలియాడెనే ముద్దులలో
గాలిపెదవులే మెల్లగ సోకిన
గాలిపెదవులే మెల్లగ సోకిన 
పూలు నవ్వెనే నిద్దురలో..హో..ఓఓ..

చల్లని వెన్నెలలో చక్కని కన్నె సమీపములో
అందమె నాలో లీనమాయెనే...
ఆనందమె నా గానమాయెనే... 
చల్లని వెన్నెలలో...

కళకళలాడే కన్నె వదనమే కనిపించును ఆ తారలలో ఓఓ..ఓఓ..
కళకళలాడే కన్నె వదనమే కనిపించును ఆ తారలలో
కలకాలము నీ కమ్మని రూపము
కలకాలము నీ కమ్మని రూపము..
కలవరింతులే నా మదిలో..ఓఓ..ఓఓ.

చల్లని వెన్నెలలో చక్కని కన్నె సమీపములో
అందమె నాలో లీనమాయెనే...
ఆనందమె నా గానమాయెనే... 
చల్లని వెన్నెలలో...

~*~*~*~*~*~*~*~*~*~*~*~*~*~*~*~*~*~

ప్రేమపాటలను చిత్రీకరించడంలో కృష్ణవంశీది ఒక ప్రత్యేకమైన శైలి అలాంటిది ఆ పాటకు సిరివెన్నెల గారి సాహిత్యం తోడైతే ఆ పాట చూస్తూ వింటూ తన కలల రాకుమారిని/రాకుమారుడిని తలచుకోని వ్యక్తి ఉండరనుకోవడంలో అతిశయోక్తి లేదేమో. నిన్నేపెళ్ళాడతా సినిమా లో టాబు,నాగర్జున నటించిన ఈ చక్కని ప్రేమ గీతాన్ని మీరూ చూసి/విని ఆస్వాదించండి. ఈ పాట ఆడియో మాత్రమే వినాలంటే ఇక్కడ వినచ్చు లేదా ఇక్కడ డౌన్లోడ్ చేస్కోవచ్చు.



చిత్రం : నిన్నే పెళ్ళాడుతా (1996)
సంగీతం : సందీప్ చౌతా
సాహిత్యం : సిరివెన్నెల
గానం : సంజీవ్, సుజాత

కన్నుల్లో నీ రూపమే గుండెల్లో నీ ధ్యానమే
నా ఆశ నీ స్నేహమే నా శ్వాస నీ కోసమే
ఆ ఊసుని తెలిపేందుకు నా భాష ఈ మౌనమే

కన్నుల్లో నీ రూపమే గుండెల్లో నీ ధ్యానమే
నా ఆశ నీ స్నేహమే నా శ్వాస నీ కోసమే


మది దాచుకున్నా రహస్యాన్ని వెతికేటి నీ చూపునాపేదేలా  

నీ నీలి కన్నుల్లో పడి మునకలేస్తున్న నా మనసు తేలేదెలా
గిలిగింత పెడుతున్న నీ చిలిపి తలపులతో ఏమో ఎలా వేగటం 

కన్నుల్లో నీ రూపమే గుండెల్లో నీ ధ్యానమే
నా ఆశ నీ స్నేహమే నా శ్వాస నీ కోసమే 

 అదిరేటి పెదవుల్ని బతిమాలుతున్నాను మదిలోని మాటేదని
తల వంచుకొని నేను తెగ ఎదురు చూశాను నీ తెగువ చూడాలనీ
చూస్తూనే రేయంతా తెలవారిపోతుందో ఏమో ఎలా ఆపటం 

కన్నుల్లో నీ రూపమే గుండెల్లో నీ ధ్యానమే
నా ఆశ నీ స్నేహమే నా శ్వాస నీ కోసమే 
ఆ ఊసుని తెలిపేందుకు నా భాష ఈ మౌనం  
 కన్నుల్లో నీ రూపమే గుండెల్లో నీ ధ్యానమే
నా ఆశ నీ స్నేహమే నా శ్వాస నీ కోసమే 


గౌతమ్ మీనన్ ప్రేమకథా చిత్రాలు చాలా ప్రత్యేకంగా కనిపిస్తాయి ఈకాలం ప్రేమలను ఇతనంతబాగా ఎవరూ అర్ధంచేస్కోలేరేమో అనిపిస్తుంటుంది పైగా దర్శకుడికన్నా ముందు అతనో సినిమాటోగ్రాఫర్ అవడం వలనో ఏమో తన చిత్రాలన్నీ చూడ్డానికి కావ్యాల్లా కనిపిస్తాయి నాకు. సూర్యా సన్ ఆఫ్ కృష్ణన్ లో సూర్య మేఘనా కి ప్రపోజ్ చేసే ఈ సీన్ నాకు చాలా ఇష్టం దానివెంటనే వచ్చే ఈ పాట కూడా నా మోస్ట్ ఫేవరెట్ సాంగ్స్ లో ఒకటి. హారీస్ మ్యూజిక్ వేటూరి గారి సాహిత్యం ఈపాటని మర్చిపోనివ్వవు. చిత్రీకరణ కూడా బాగుంటుంది సమీరా కూడా అందంగా ఉంటుందనమాట అని అనిపించే చిత్రీకరణ గౌతమ్ కే సాధ్యం :-) ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.



చిత్రం : సూర్య s/o కృష్ణన్ (2008)
సంగీతం : హరీస్ జయరాజ్
సాహిత్యం : వేటూరి 
గానం : హరీష్ రాఘవేంద్ర, దేవన్, V. ప్రసన్న 

నాలోనే పొంగెను నర్మదా..
నీళ్ళల్లో మురిసిన తామరా..
అంతట్లో మారెను ఋతువులా పిల్లా నీవల్లా  
నీతో పొంగే వెల్లువా నీళ్ళల్లో ఈదిన తారకా
బంగారు పూవుల కానుకా… పేరేలే కాంచనా 
ఓ శాంతీ శాంతి ఓ శాంతి
నా ప్రాణం సర్వం నీవేలే
నా శ్వాసే నీవే దోచావే
చెలి నేనే నీవు అయ్యావే.. 

నాలోనే పొంగెను నర్మదా..
నీళ్ళల్లో మురిసిన తామరా..
అంతట్లో మారెను ఋతువులా పిల్లా నీవల్లా
  

ఆఅహ్హ్హా... హ్హ్.హ్.హ్.ఆ..

 ఏదో ఒకటి నన్ను కలచి.. ముక్కు చివర మర్మమొకటి
కల్లాకపటం కరిగిపోయి ముసినవ్వా బోగన్ విల్లా..
నువ్వు నిలిచిన చోటేదో వెలయెంత పలికేను
నువ్వు నడిచే బాటంతా మంచల్లే అయ్యేను!
నాతోటి రా.. ఇంటి వరకు
నా ఇల్లే చూసి నన్ను మెచ్చు
ఈమె ఎవరో ఎవరొ తెలియకనే
ఆ వెనెకే నీడై పోవద్దే
ఇది కలయో నిజమో ఏం మాయో
నా మనసే నీకు వశమాయే.. వశమాయే.. 

నాలోనే పొంగెను నర్మదా..
నీళ్ళల్లో మురిసిన తామరా..
అంతట్లో మారెను ఋతువులా పిల్లా నీవల్లా..ఓఓ.. 
నీతో పొంగే వెల్లువా నీళ్ళల్లో ఈదిన తారకా
బంగారు పూవుల కానుకా… పేరేలే కాంచనా
 

కంటి నిద్రే దోచుకెళ్ళావ్ ఆశలన్నీ చల్లి వెళ్ళావ్
నిన్ను దాటి పోతూవుంటే వీచే గాలీ దిశలు మారు
ఆగంటూ నీవంటే నా కాళ్ళే ఆగేనే
నీ తలలో పూలన్నీ వసివాడవ ఏనాడు
కౌగిలింతే కోరలేదు
కోరితే కౌగిలి కాదు
నా జీవన సర్వం నీతోనే..
నను తలచే నిముషం ఇదియేనే
నువ్వు లేవు లేవు అనకుంటే నా హృదయం తట్టుకోలేదే.. ఏఏ..

నాలోనే పొంగెను నర్మదా..
నీళ్ళల్లో మురిసిన తామరా..
అంతట్లో మారెను ఋతువులా పిల్లా నీవల్లా
  
నీతో పొంగే వెల్లువా నీళ్ళల్లో ఈదిన తారకా
బంగారు పూవుల కానుకా… పేరేలే కాంచనా
  

ఓ శాంతీ శాంతి ఓ శాంతి
నా ప్రాణం సర్వం నీవేలే
నా శ్వాసే నీవే దోచావే
చెలి నేనే నీవు అయ్యావే..
 
ప్రేమికుల రోజు శుభాకాంక్షలు

3 comments:

First and third songs are my favrtt Venu :-)

థాంక్యూ వేణూజీ..మేమడిగిన పాట వేసినందుకు(ఓం శాంతీ సాంగ్)..వుయ్ సెలెబ్రేటెడ్ వేలంటైన్ డే విత్ యువర్ సాంగ్..

థాంక్స్ ఇందూ..
థాంక్స్ శాంతి గారు..

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail