గురువారం, ఆగస్టు 18, 2016

ఆడవే జలకమ్ములాడవే...

విదేశాలనుండి వచ్చి ఈ పవిత్ర భూమి సంస్కృతిని మెచ్చిన అతివలెందరో ఉన్నారు. అలా తెలుగింటి కోడలైన ఓ అమ్మాయిని ఉద్దేశించి ఇక్కడి ప్రాంతాల విశిష్టతను తెలుపుతూ పాడిన అందమైన పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడ్ చేసిన ఫ్లాష్ ప్లేయర్ లోడ్ అవకపోతే వీడియో ఇక్కడ చూడవచ్చు.


చిత్రం :  విచిత్ర కుటుంబం (1969)
సంగీతం :  టి.వి. రాజు
సాహిత్యం :  సినారె
గానం :  ఘంటసాల, సుశీల

రష్యాలో పుట్టి భారతావనిలో మెట్టి 
తెలుగువారి కోడలివై వలపులొలుకు జాజిమల్లి 
వలపులొలుకు జాజిమల్లి

ఆడవే.. ఆడవే..
ఆడవే జలకమ్ములాడవే
ఆడవే జలకమ్ములాడవే..
కలహంస లాగా జలకన్య లాగా..
కలహంస లాగా జలకన్య లాగా

ఆడవే....ఏఏ....ఆడవే

ఆదికవి నన్నయ్య అవతరించిన నేల...
ఆ..ఆ..ఆ...ఆ..ఆ..ఆ..
తెలుగు భారతి అందియలు పల్కె ఈ నేల
ఆంధ్రసంస్కృతికి తీయని క్షీరధారలై
జీవకళలొల్కు గోదావరి తరంగాల

ఆడవే..ఏఏ..ఆడవే..ఏ...

నాగార్జునుని భోధనలు ఫలించిన చోట
ఆ..ఆ..ఆ..ఆ..ఆ..ఆ..
బౌద్ధమతవృక్షంబు పల్లవించిన చోట
బుద్ధం శరణం గఛ్చామి...
ధర్మం శరణం గఛ్చామి...
సంఘం శరణం గఛ్చామి...
కృష్ణవేణీ తరంగిణి జాలిగుండెయె సాగరమ్మై
రూపు సవరించుకొను నీట...

ఆడవే....ఏఏ....ఆడవే

కత్తులును ఘంటములు... కదను త్రొక్కినవిచట
కత్తులును ఘంటములు... కదను త్రొక్కినవిచట
అంగళ్ళ రతనాలు... అమ్మినారట యిచట
నాటి రాయల పేరు నేటికిని తలపోయు
తుంగభద్రానదీ తోయమాలికలందు

ఆడవే....ఏఏ....ఆడవే

ఆడవే..ఆడవే ..ఆడవే జలకమ్ములాడవే
ఆడవే జలకమ్ములాడవే ..



మిత్రులకు రాఖీ పండుగ శుభాకాంక్షలు.


2 comments:

తెలుగు తల్లి అందాలకి అద్దం పట్టిన పాట..మాకందరికీ చాలా ఇష్టమైన పాట వేణూజీ..

అవునండీ బాగా చెప్పారు.. థాంక్స్ ఫర్ ద కామెంట్ శాంతి గారు :-)

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail